遭警截查後缺席宣傳姜濤被爆驚咗出街只因怕除口罩

更新時間：15:57 2019-09-30
發佈時間：13:46 2019-09-30

姜濤昨日因一身黑衣、頭戴cap帽和口罩在銅鑼灣示威核心地帶路過，遭警察截查身份證後，原定今日MIRROR聯同《全民造星II》參賽者及導師火火到電台宣傳，但不見姜濤現身，經理人黃慧君（花姐）強調不是刻意避席，姜濤一切如常，工照開、黑衫照著；就連隊友也稱不會改變打份。
花姐表示一早已安排分成3組（A、B、C ）宣傳，姜濤和Lokman雖然同屬A組，但Lokman是隊長可作代表，並笑謂：「早知叫佢嚟！」花姐強調並非刻意不安排姜濤見傳媒，姜濤工作如常，正忙於為《全民II》及ERROR的talk show綵排。不過花姐透露姜濤的確驚了出街，說：「佢一向都驚青，昨日屋企附近又放催淚彈；不過佢最驚係媽咪會危險，現在會陪媽咪落街，反而唔驚昨日的事，只是不慣要當街除口罩。（會否著姜濤多穿不同顏色的衣服？）我都是肥人一族，明白肥人愛穿黑衫，佢因為以前都是肥仔，即使我建議過佢不如穿些其他顏色的衫，佢仍說身上有黑色才有安全感，其實佢都叻仔咗，加了白色衫袖，所以大家唔好怪肥人呀！（姜濤可知粉絲十分擔心？）其實都是小事，佢純粹經過。」提到王宗堯被捕，花姐謂：「藝人身份較為敏感，表明自己的政治立場是有點不方便，幸好姜濤年紀仲細，甚麼都交給我，我也有問警察叔叔截查佢身份證的經過，佢話很有禮貌，原本有表明是ViuTV藝人，但因為太細聲，警察可能聽不到，故作罷不再解釋。」

火火和MIRROR成員Lokman、Anson Lo、Jeremy被問到有否關心姜濤？Lokman表示看到新聞後第一個反應是「哈哈，咁呀」，其後與Anson都有短訊姜濤，姜濤隔了一小時才回覆，稱收到太多訊息，故計其手機被炸爆。問到他們是否刻意避穿黑衫？Jeremy澄清因今日的衣著主題是藍白色；Anson Lo自言穿慣黑色衫不會因此作改變；Lokman則指如果無化妝仍會出街戴口罩。眾人又稱希望《全民II》收視愈來愈好，透露花姐擔心承接不到《花姐ERROR遊》的氣勢；火火就笑指去年跌落淘汰區的30位參賽者個個喊爆博機會，今年此舉行不通，只能靠表演和實力。