「御用丫鬟」陳婉婷頭頭碰着黑連失兩機會：辜負咗好多人嘅期望！

更新時間：20:00 2023-06-12
發佈時間：20:00 2023-06-12

剛剛過了35歲生日的TVB前「御用丫鬟」陳婉婷可謂頭頭碰黑，早前剛宣佈參加模特兒大賽的海選活動，但今日她在社交平台出PO大吐苦水，原來她確診了Covid，今次更是第一次中招：「我確診咗！一次中！好辛苦呀！條線仲係黑色嘅。唔明點解，早唔中，遲唔中，偏偏而家先嚟中？」

【相關閱讀】：5大「御用丫鬟」近況陳思齊曾整容失敗有人嫁入豪門住8,000呎獨立屋

【點撃睇「御用丫鬟」陳婉婷黑仔事件簿】：

陳婉婷撰長文解釋自己「黑仔事件簿」，她說：「因為今日係我期待已久嘅日子呀！記得前陣子喺我生日嘅時候，好開心接到一個好有心嘅劇本、可以飾演一個充滿挑戰性嘅角色，而今日係我第一日拍攝呢個角色！我非常感激導演同埋劇組揀選咗我，所以我之前亦都為咗報答佢哋俾機會我，用咗好多時間同心機去準備做好呢個角色！」

可惜因為中了招令她好夢成空：「但好可惜！好遺憾！我辜負咗好多人嘅期望！也白費咗之前嘅努力準備！因為偏偏喺呢時候中咗Covid ！我好無奈！但我有責任保護大家，所以已立即通知電影相關單位，未能出演角色！今次麻煩到大家，對此我深感抱歉！」殊不伖知一波未平，一波又起：「本來聽日我要參與一個比賽嘅準決賽，但係亦都好遺憾，我又因病未能出席，在此要多謝評判畀機會我，通過海選同埋初賽，希望大家good show！相信我留喺屋企休息一兩日之後，應該會好快好番既！之後再好好努力重新出發，不便之處，希望大家見諒，再一次感激俾機會我嘅人！」

【其他閱讀】：

中年好聲音2丨「御用情婦」喊驚式演唱嚇親評判《十兄弟》大口九圓亡母遺願

陳豪陳茵媺Staycation慶祝錫婚放假都要做「秘撈」顯好老公一面

2022年落選港姐何思懿捨棄藝人身份轉戰新聞台表現淡定隨時成為主播女神

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ