一舞傾城丨唐文龍受陳法蓉超重濾鏡影響 man爆佬味驚變王浩信

更新時間：09:00 2023-06-07
發佈時間：09:00 2023-06-07

53歲唐文龍北上發展已經有一段時間，不過近年回港拍劇，最近因《一舞傾城》飾演「青龍」一角再被觀眾注意，今次他與陳法蓉飾演夫妻，日前兩人齊齊出席完宣傳活動，陳法蓉拍了一段跳舞片，雖然感覺溫馨，但有網民睇錯重點，因為在超重濾鏡下，唐文龍的面容竟然變成了王浩信！

【相關文章】：一舞傾城丨11位女角平均年齡近40歲！姚子羚係最年輕媽媽生前晶女郎成最年長舞女

【點擊睇唐文龍激似王浩信相】：

在《一舞傾城》中，兩人的情路可謂十分坎坷，雖然在現實生活中，唐文龍比56歲的陳法蓉年輕3歲，但他在造型上亦落足心機，刻意染白頭髮，令他望落顯得更老，想不到今次因這一段跳舞，原本是搞到唐文龍的男神形象崩壞，不單激變成王浩信，看上去感覺有點「膠」！反而陳法蓉未有受影響，見到她笑得興奮並留言：「沙律媽等咗十幾年，終於等到青龍哥今晚出獄！期待期待！」

唐文龍在1993年曾參加新秀歌唱比賽但冇出賽，翌年以歌手身份出道，不過等了很久才出首張專輯《覓一生最好》，之後唐文龍往台灣出碟，登上電台的流行榜冠軍，因合約結束就回港拍電影。唐文龍在1999年簽約TVB，演出機會很多，但只屬於二線角色，約滿後於亞洲電視、大陸拍劇，直至2017年回歸TVB拍攝《溏心風暴3》而人氣上升。

感情方面，唐文龍去年在陳敏之的網上節目自爆有一位山東女友，但女友的「真面目」從未曝光，他聲稱：「今年已經見咗家長，不過未有結婚呢樣嘢，搵到錢先啦，經濟都停咗三年啦，當然要專注返工作先。」他更未有公開女朋友長相的打算：「我唔係好習慣Show女朋友同爸爸媽媽出嚟，我比較怕醜，都想保護返對方。」