前TVB主播梁凱寧踩入KOL界狂接工作首拍牀戲嘆犧牲大兼失眠

更新時間：16:00 2023-03-30
發佈時間：15:00 2023-03-30

現年30歲的前TVB主播梁凱寧（Maggie）2019年離職後，去年宣布在中文大學完成言語語言病理理學碩士課程，現已成為一位執業的言語治療師。百足咁多爪的梁凱寧兩年多前又成立一間廣告及製作公司，為各類機構製作宣傳及教育短片，除此之外她還身兼節目主持、兼職大學講師，近來更努力經營社交平台踩過界做KOL，陸續接下不少廣告。早前梁凱寧為拍廣告仲突破自我，首度獻出「牀上戲份」！

【點擊睇梁凱寧靚相】：

梁凱寧早前以「助眠大使」身份拍廣告，其間不惜犧牲色相化黑眼圈妝，更獻出「牀上戲份」，她笑說：「今次真係超大犧牲，拍兩條片都要加上大大嘅黑眼圈、面青口唇白、頭髮又亂，同以往嘅形象真係好大出入！不過，劇本中好多失眠細節我好有同感，尤其係瞌住眼瞓做瑜伽、愈眼瞓愈肚餓嘅情節，我都真實上演過，真係又慘又搞笑。」

原來梁凱寧曾因排山倒海的工作，令她長期受失眠困擾，她說：「無論數綿羊定臨瞓前做瑜珈，我都係成日都瞓唔着，曾經聽醫生意見戒咗喺臨瞓前玩電話，同埋保持每日作息定時，但都係成日攤喺張牀到眼光光。有時就算瞓得著，我都會好易扎醒，搞到我成日都冇精神，個人仲好易忟。」