4歲Lucy拜年變身兔女郎忽然反白眼 網民留意粟米頭問係咪假髮

更新時間:11:00 2023-01-24
發佈時間:11:00 2023-01-24

李璨琛(Sam)的囡囡李元元(Lucy)仲有兩個月就5歲生日,即將榮升家姐的她,今個農曆新年是最後一次獨自𢭃利是。原來Lucy日前睇完偶像張天賦(MC)頭場演唱會後,大年初一(22日)就在家中耍廢,昨日年初二(23日)Lucy則與父母出動,一家三口出外拜年,Lucy戴上可愛的兔仔頭飾,穿上紅色小旗袍,有如變身成一個利是封應節,而且她又有Set頭,背後所見整了一頭微曲髮,極之貪靚,網民留言問:「係假髮定真係電咗髮染埋髮」、「公仔麵頭冇直髮咁好」、「夾咗粟米」等。

【點擊睇Lucy賀年兔Look】:

Lucy坐車期間自己坐後座,李璨琛負擔揸車,而Lucy媽則偷影囡囡,未知是否發現母親的舉動,Lucy搞笑地唔望鏡反眼,另一張相就開心地雙手派心心。一家三口之後到餐廳食飯,一向鍾意食的Lucy,就揀了朱古力窩夫做甜品,未食已開心擘大個口,又擺出張栢芝在《喜劇之王》的「初戀」甫士,十分可愛。Lucy媽寫道:「琴(噚)日年初一係屋企傳統習俗耍廢,今日先同大家真真正正拜個靚年先 #咁多句祝福語最鍾意都係呢兩句 #心想事成身體健康」。Lucy的其中一段片中,連講多句恭賀說話派飛吻。
 

【其他文章】:

鄧麗欣激罕帶媽媽露面 曾分享童年母女合照網民勁興奮:我阿媽好似Liza姐

王祖賢迎56歲生日久違貼新相賀年 網民驚訝唔同樣:找不出能誇的地方

鍾麗緹裸色緊身衣跳舞片翻Hit下體現形 網民斥不雅又尷尬:能換個褲子嗎?

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ