萬千星輝頒獎典禮2022丨樊亦敏演「三太」入型入格奪最受歡迎女角色 瘦咗又靚咗全因陳浚霆
發佈時間：23:24 2023-01-08
TVB《萬千星輝頒獎典禮2022》今晚（8日）在將軍澳電視廣播城舉行，今屆「最受歡迎電視女角色」可謂爭崩頭，《愛．回家之開心速遞》樊亦敏飾演的「白天娥（三太）」、《愛上我的衰神》陳嘉慧飾演的「潘小渝」、《美麗戰場》劉佩玥飾演的「李靜兒」、《下流上車族》江美儀飾演的「莫雯慧」和郭柏姸飾演的「車芊芊」 入圍最後五強，最後樊亦敏憑住「三太」一角獲得「最受歡迎電視女角色」。
【相關閱讀】：萬千星輝2022·電視女角色丨撻Q視后龔嘉欣呼聲最高？仲有幾位新晉一線花旦爭崩頭
【點擊睇樊亦敏拎獎】：
五虎成員苗僑偉、黃日華負責頒發「最受歡迎電視女角色」，兩人出場台下藝員即大叫：「好靚仔啊！好有型啊！」苗僑偉笑說兩人已出入TVB逾40年，兩人又笑言未拿過視帝是「好兄弟」。樊亦敏在兩人手上獲得獎項，多謝兩位前輩，黃日華笑說：「首先講句，你真係瘦咗好多。」苗僑偉亦說：「我同你怕嘢嗰陣冇咁靚。」
樊亦敏之後表示第一份工作就是在TVB：「好多謝珍姐，由我入行都冇放棄過我，以前我一嚿雲咁，一嚿雲咗好耐，但佢一直都畀好多機會我、栽培我，同埋畀我有呢個機會入到《愛．回家》呢個大家庭，做到『白天娥』呢個角色，同埋而家啲人叫我『三太』，唔係叫我樊亦敏㗎喇！多謝樂小姐、曾生，最緊要多謝台前幕後團隊。」她之後感謝《愛．回家》一家人：「好多謝我哋一家人，仲有『威哥』（羅樂林）、丹爺，同埋我減肥係多謝陳浚霆係咁叫我減肥。」最後多謝監製、導演、PA一直在背後的努力。」
樊亦敏得獎後受訪時表示，要多謝公司和團隊才有這角色，又透露即將會開其他劇組的劇集，希望新的一年有更多的角色給大家看，她指自己選美入行，中間亦曾離開過TVB，首次得到一個有關演藝的獎：「當年選美、之後就《好聲好氣》，今次係演藝嘅獎，都算係全方面包辦，覺得好開心。」
【點擊睇最受歡迎電視女角色十強名單】：
【其他文章】：
萬千星輝2022·電視男角色丨民選視帝與大熱小生之爭？呢位黑馬隨時爆冷
萬千星輝2022·女主角｜一線花旦大洗牌？亞視幫呼聲最高 Juicy女王突變冷門
萬千星輝2022·男主角｜陳山聰封視帝阻力重重 陳展鵬林敏驄攔路 小鮮肉「黑馬」反而有機
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
