黃鎮廷杜凱琹混雙8強出局

更新時間：03:00 2025-11-12 HKT
發佈時間：03:00 2025-11-12 HKT

香港乒乓球隊獎牌希望之一的混雙組合黃鎮廷、杜凱琹，周二於全運會乒乓混雙8強以局數1:4不敵遼寧組合徐海東、陳幸同行人止步，黃鎮廷坦言落敗很可惜。
黃鎮廷、杜凱琹8強惡鬥遼寧的徐海東、陳幸同，首盤戰至刁時黃、杜配以12:10先拔頭籌。不過，遼寧組合是國家隊球手實力強勁，之後以11:5、11:8、11:8連贏3局反超前3:1。第4局戰至刁時港隊輸12:14，局數1:4落敗。黃鎮廷坦言：「對方實力都比較強，尤其是打法上面比我哋嘅威脅同埋限制都比較大。去到最後覺得比較可惜，幾局都係輸兩分左右。」
局數1:4不敵遼寧組合
　　杜凱琹認同遼寧組合實力很強：「其實一路我同廷哥第一局開始就已經溝通得到比較多，即係每一球都有啦，咁樣的確對方嘅實力同埋前三板控制我哋，特別係對方徐海東，佢嗰一板俾我哋嘅威脅比較大，所以我覺得我自己（發揮）麻麻地。」黃鎮廷還感謝電視機前的球迷支持：「多謝你哋在電視機面前為我哋打氣加油，咁有機會嘅話我哋下次可以喺現場同大家見面。」
　　展望男單16強對國家隊一哥王楚欽，廷哥表示只管打好每一局：「其實同佢都交手咗好多次，最近一次都贏咗兩局。呢次全運會亦都係他們很重視，非常之重要嘅比賽。希望聽日嘅比賽同佢打可以先贏一局，先一步一步來。」至於下一屆全運會會否再參加，廷哥指2029年仲有一段時間，未有諗到咁遠。

↓立即下載星島頭條App↓