供借宿屋主指言行令人害怕疑吸食依托咪酯

更新時間：03:00 2026-01-17 HKT
發佈時間：03:00 2026-01-17 HKT

　　屯門市廣場持刀挾持女人質、被警員連開兩槍擊斃的姓裴（34歲）越南裔男子，其母昨晨在親友陪同下到殮房認屍，哭成淚人，有女親友指死者為人很純，「點解差人開槍殺死佢，我個心好痛！」惟死者寄居的單位男住戶稱，死者經常自言自語，更疑吸食依托咪酯毒品，令他感到害怕，坦言「有機會就叫佢走」。
　　昨晨死者母偕親友到葵涌殮房辦理認屍手續，其母與一名女親友哭斷腸。女親友哭道：「佢（疑犯）有情緒，我估佢本身（持刀）可能想保護自己，佢驚咪周圍走，警察開槍殺死佢，仲唔係開咗一槍。」又指「如果開咗一槍（打）跛咗佢隻腳，佢都反抗唔到，點解仲要開多一槍殺死個仔？我個心好痛……」她表示不清楚死者有否患精神病，現時只有社工協助，「都唔知點算！」
　　女親友說：「我有時去佢哋屋企，同枱食飯都好正常。」又指死者「好純，唔會駁咀，有禮貌，唔知點解搞成咁」。她又說：「個個都有錯，點解行到呢步？我覺得差人……點解特登殺死佢？佢阿媽好心痛！」她指裴母有數名子女，現時靠綜援維生，最小的兒子還在讀中三，日後生活更徬徨無依。
案發前因涉毒被帶署調查
　　裴男生前寄住屯門大興邨一單位，該單位的住戶為一名年約50歲的泰國男子「泰仔」。他透露死者被暱稱為「恐龍」，他並不認識對方，因受朋友所託，遂讓「恐龍」暫住，僅入住約兩星期。單位客廳放置了一張碌架床，「恐龍」睡下格，床上放置了一袋衣物。泰仔表示，「恐龍」很少逗留屋內，「好少喺度瞓，見佢返嚟換衫，逗留一陣又出去」。他更指「恐龍」疑有吸食依托咪酯習慣。
　　原來前日事發前，「恐龍」疑因毒品案被警方帶署調查，其後獲釋回到該單位。泰仔說：「佢執咗啲嘢落背囊度，就出咗去，之後就發生開槍事件。」他又坦言覺得「恐龍」行為古怪，經常自言自語，「好似有病咁，其實有機會就叫佢走」。

↓立即下載星島頭條App↓