私人診所護士指控六旬男醫生，「由我隻腳下面一手伸咗入我件衫度、我左邊胸部，不斷撫摸」。

診所護士告六旬醫生：伸手入衫度不斷摸胸

更新時間：03:00 2025-07-23 HKT
發佈時間：03:00 2025-07-23 HKT

　　六旬男醫生2020年3月涉嫌在尖沙咀海港城停車場非禮其私人診所護士，伸手摸胸。男醫生否認2項非禮罪，昨於九龍城裁判法院受審。事主憶述案發當日登上被告私家車後座時，被告烏身入內，「由我隻腳下面一手伸咗入我件衫度、我左邊胸部，不斷撫摸」。事主再次回憶案發過程時啜泣不止，哭稱「因為我每次諗返嗰段回憶我都好辛苦，我唔想再諗起」。
　　事主X供稱案發當日星期六，事主下班後乘坐被告關國安七人車前往海港城午膳，到埗後甫下車「醫生佢突然拖住我隻手，我想揈開，但係佢捉得我好實」，事主當時「呆咗」、「一片空白」，由於無法掙脫不懂反應，遂開玩笑指「你係咪當我女呀⋯⋯」被告回應指「一半一半啦」。
「一路以來覺得佢係好好嘅醫生」
　　膳後2人原路折返，事主坐上駕駛座後座後，一旁被告在車外「半個身烏咗入車廂⋯⋯哄到我好埋，想拉開我口罩。我好驚，我嗰下又係呆咗。有隻手摸住我左邊個胸⋯⋯佢又繼續⋯⋯我嗰下好驚，我成個人僵硬咗，我問佢『醫生喺度做乜嘢？』佢由我隻腳下面一手伸咗入我件衫度、我左邊胸部，不斷撫摸，摸咗大約1分鐘左右」，被告當時稱「我失控，我失控，我控制唔到」。
　　事主坦言「我唔知點解佢要咁樣對我，一路以來我都覺得佢係好好嘅醫生，對病人又好對我哋又好，今次過程對我打擊好大」，然而事後被告若無其事般載事主回到大圍住所。事主回想時一度啜泣不止，哭稱「因為我每次諗返嗰段回憶我都好辛苦，我唔想再諗起⋯⋯」
　　案件編號：KCCC 790/2024

↓立即下載星島頭條App↓