陳曉華 傳一年微調三次親解變靚秘訣
發佈時間：03:00 2026-05-13 HKT
TVB當家花旦陳曉華被最新一期《東周刊》獨家爆一年微調三次靚樣，落力保養和增強演技力保女主角光環，陳曉華大方回應微調傳聞，被指越來越靚的她表示沒容貌焦慮，更親揭變靚秘訣。
陳曉華被最新一期《東周刊》獨家爆料，與同樣備受重用的莊子璇及古佩玲、透過醫美微調力保靚樣，被指越靚越有運行。身為港姐冠軍的陳曉華，一步步由小花成為TVB當家花旦，被指在靚樣上落足苦功，針對蘋果肌及鼻子，獲名醫指導每年微調三次，加上30出頭的她勤力保養肌膚和狀態，為免被其他女主角搶走光環，同步增強美貌與演技力保上位，甚至連運勢都有變化。當中玄學家指出，現在的面相為她帶來自信增強氣勢，對於事業運勢大有幫助，而手上仍有三劇存貨的她，仍坐擁TVB「劇后」之位。至於莊子璇近日因參與《魔音女團》而換上新形象，外貌變化再度引起討論；而古佩玲經常在處境劇《愛．回家之開心速遞》中露面，樣貌變化由入行一直被討論至今。
稱身心健康更重要
對於被指以醫美提升靚樣，陳曉華昨日透過短訊回覆《星島頭條》：「多謝大家關心，我對自己嘅五官冇任何焦慮，我反而更注重自己嘅身體同心理嘅健康，外表嘅美麗絕對唔係代表我嘅一切，所以我更加注重內在美，其實大家都好靚！」問到會否覺得自己仍未夠靚？有否仍想加強的部位？她表示：「更重要嘅係身體同心理嘅健康美麗，先至可以令自己發光發亮，如果自己從來都唔識欣賞自己嘅話，無論整容定係未整都好，都唔會達到自己滿意嘅效果。真正令到自己變得美麗發光發亮，其實係自己嘅心態，所以我鼓勵大家花時間精力去養好自己嘅心態！」
陳曉華指保養秘訣是食水果和多運動，忘記不開心的事，「唔好俾咁大壓力自己唔好因為自己嘅樣貌而焦慮，因為除咗外貌之外，其實我哋仲有好多優點值得大家留意。」過往她曾為美容診所代言，問了解更多是否對醫美接受度更高？她稱現時已沒有為美容院代言，「歡迎任何想搵代言人嘅商家，來電洽談。」
