Yanny爆老公陳考威 澳洲婚禮喊不停
發佈時間：03:00 2026-01-16 HKT
前Super Girls成員陳穎欣（Yanny）與拍拖9年的音樂監製陳考威（Gareth），前日在澳洲墨爾本郊區某酒莊舉行童話式婚禮，不少歌手和音樂人好友越洋出席見證，包括MIRROR成員AK（江𤒹生）、Ian（陳卓賢）及填詞人黃偉文等。Yanny更邀前隊友蔡明思（Jessica）和吳嘉禧（Cheronna）做姊妹，惟未見隊友趙慧珊（Aka），更不見曾與Yanny因三角戀反目的李靜儀（Heidi）。新娘子Yanny昨向《星島頭條》分享出嫁喜悅，感謝老公給她開心幸福婚禮。
陳考威和Yanny早在日前已飛抵澳洲，與應邀出席婚禮的圈中好友AK、Dear Jane成員Jackal等率先暢遊澳洲。一對新人還邀請多位圈中人出席婚禮，包括Ian、游學修和女友陳苡臻、蘇致豪、梁釗鋒、陳健安、吳肇軒，已定居英國的填詞人黃偉文（Wyman）及久未露面的余文樂都有到賀，場面熱鬧，AK更開心「集郵」分享多張合照。古天樂也在社交網留言託旗下藝人吳肇軒恭喜一對新人。
一對新人和眾好友都在社交網開心分享婚禮畫面，Yanny和陳考威雙雙以白色婚紗禮服行禮，宣讀誓詞時兩人牽手深情對望，禮成後更在親友見證下深情擁吻，還有浪漫煙花助興，幸福又感動。Yanny獲舊隊友Jessica和Cheronna陪嫁，兩位姊妹親手為新娘子披上大紅中式裙褂。Super Girls久未合體，但婚禮照片卻未見當年承認有隊友不和的Aka，更不見當年被指跟Yanny為爭男友而嘈交、陳考威的舊愛Heidi。
新娘子Yanny昨日向《星島頭條》分享成為幸福人妻的喜悅：「好開心到外地舉行咗婚禮，最難得就算唔喺香港，仍然見到一班熟悉嘅面孔，有一種好特別感覺，最特別係一啲移居外地嘅朋友，例如Wyman，甚至乎一啲移居加拿大嘅朋友，佢哋坐好耐飛機嚟參加我哋嘅婚禮，所以好開心，好感動同好感恩！」她亦透露陳考威和Wyman雖然一直合作，但都只透過電話、網絡聯絡，首次見面就是參加今次婚禮。
眾星獻唱炒熱氣氛
此外，Yanny透露婚禮上多位歌手朋友獻唱送祝福，「雖然我同Gareth都好攰，唔係好夠休息，好多事要去籌備，好彩有個好朋友幫手搞呢個婚禮，令我哋輕鬆好多，可以盡量享受其中。我覺得最驚喜，係Gareth不停喊，因為佢平時係一個好少喊嘅人，但現場無論進場、同父母說話、影相，佢都好感觸咁喊，令我都好感動。本身認為結婚可以簡簡單單就好，好多謝Gareth提出一定要搞呢個婚禮，畀我嘅體驗原來係咁開心、咁有幸福感，令到大家都覺得好難忘！」
