莊思敏回應杏兒「叛變」風波：唔好意思又尷尬
發佈時間：03:00 2025-12-08 HKT
莊思敏今年10月報喜再做人妻，與拍拖未夠兩年的高級督察黃耀彬（Matthew）在峇里島舉行婚禮，胡杏兒與老公李乘德都有出席。昨日是莊思敏婚後首次現身活動見傳媒，對於她曾與杏兒的好姊妹胡定欣傳不和，而杏兒今次出席完她的婚禮後被人指是「叛變」，對此莊思敏表示知道、亦覺得很尷尬及不好意思：「係佢嘅一份結婚禮物，有錢都買唔到！」
莊思敏笑指新婚生活OK，亦沒有太大轉變，又指婚禮結束後，不會再於香港搞任何儀式，但返港也有跟一些沒到當地參加婚禮的親戚朋友食飯。對於杏兒出席完她的婚禮、被指是「叛變」，莊思敏表示知情，「我同杏兒老公識咗20年，不嬲都當佢係契哥，杏兒都好好，抽咗兩日時間出席，同埋因為我老公係杏兒嘅fans，細細個間房有杏兒海報，所以杏兒能夠出席好開心！」又開心表示這份禮物有錢都買不到。提到兩人婚禮沒有註冊簽紙，莊思敏坦言覺得沒有必要，認為法律上的保障是因為下一代：「我哋暫時唔會考慮有下一代，所以唔一定急住要手上嘅文件（結婚證書）。（冇打算要小朋友？）冇，個世界太亂，冇乜信心做媽媽，因為責任好大，見到身邊嘅朋友由大肚開始要搵學校，到小朋友讀書又好似自己重新讀書咁，我本身讀書都唔叻，我諗我應該負荷唔到呢件事。」她又指跟老公已有共識，但很鼓勵身邊的朋友生小朋友，自己可以間中玩吓湊吓。問到下個結婚是否應該是細妹莊思明？莊思敏笑言不知，自己也嫁了兩次，不會再俾壓力對方。
此外，莊思敏現時正拍攝劇集《璀璨之城》，她指婚後的工作跟以前一樣，也是周圍走，自己享受之餘，老公也享受自己每星期有幾天不在港；至於跟TVB的關係，她指是「6騷約」（一年做6個騷），認為現在合作比較自由，可做自己嘢之餘又可以拍劇，滿意現在的相處模式和合作關係。
被欠6位數仍追討中
至於早前莊思敏曾在社交網上呻朋友借錢不還之餘，工作也被拖數，她昨日指兩方面加起來有6位數：「我到依家都未收番晒，好嬲呀我，依家都努力追緊！」而一向在社交網言論惹火的莊思敏，早前又再被網民翻黑歷史舊帳，搞到她跟網民開火，莊思敏笑言只是互相交流，她認為大家都可以在網絡世界宣洩感受，自己比較惹火，所以留言攻擊性會比較強，但由出道以來都是這樣。
