廖家爵以亡父為目標 盼演經典角色
更新時間：03:00 2025-08-27 HKT
發佈時間：03:00 2025-08-27 HKT
發佈時間：03:00 2025-08-27 HKT
字體大小
廖家爵（Kelvin）參加第30期無綫電視藝員訓練班入行，曾參演多部劇集，在新劇《麻雀樂團》演繹年輕版譚俊彥令人印象深刻。廖家爵坦言入行前是白紙，發現講對白很有學問，「我入行前做吳岱融助手，佢教我好多，試過跟住佢拍成套劇，見到佢點樣畀對白對手，而且記低自己演出每集嘅衫、機位同環境。」
廖家爵坦言喜歡《麻雀樂團》有感情戲及喊戲，首次與女演員有親密戲覺得有新體驗，也有難度，「要演16歲至20歲期間發生好多事，由認識到拍拖、分手、再拍拖結婚，然後再離婚，連爸爸都走埋！完全一個人生！角色性格上，導演同監製都話好貼近我本人，但越咁講就想演好情緒。話做自己就得，咁點做呢？演時會更拘謹。」
廖家爵是已故資深演員廖駿雄兒子，入行不多不少受爸爸影響，睇過《大娛樂家》後感受好大，希望自己成為感染力強的人，廖家爵直言將來也想似爸爸曾演經典劇《天師執位》為人熟悉，演到令大家記住的經典角色。
