龔嘉欣「生蛇」死頂開工：痛到情願損自己

更新時間：03:00 2025-08-15 HKT
發佈時間：03:00 2025-08-15 HKT

　　龔嘉欣踏入演藝圈17年，期間屢獲提名，工作一向搏到盡，年初終憑《企業強人》在《萬千星輝頒獎典禮2024》首奪夢寐以求的「最佳女主角」殊榮，正式登上「視后」寶座。背後面對不少壓力，早年遠赴內地拍攝期間不幸「生蛇」，身體極度不適但拍攝進度緊逼，她選擇硬撐到底，未能及時接受治療，結果導致病情惡化，甚至留下後遺症。

早前龔嘉欣在社交網更改聯絡方式，被指將離巢，她澄清TVB目前仍是她的經理人。她接受《星島娛樂》訪問時就分享自己29歲時的「生蛇」經歷，她表示：「29歲生蛇，我諗真係好多人都冇諗過，包括我自己！嗰陣係生喺大髀位置，瞓覺同坐都好辛苦，以前真係覺得生蛇係唔會關自己事，直至發生咗，先知道原來唔可以輕視。好似畀火燒，畀好多支針同一時間去拮咁嘅感覺，我嗰陣真係痛到情願自己搲損自己，用流血嘅痛去蓋過生蛇嘅痛，曾經生蛇，唔代表唔會再生，所以我都提醒自己同身邊家人朋友，真係真係要好好預防，打蛇針喺其中一個最好嘅預防方法。」
自認工作狂
龔嘉欣亦表示自己是一個不能將工作停下來的人，自己會嘗試平衡，她早前和陳凱琳拍短片大獲好評，她笑言：「未來都會同多啲唔同嘅人拍reels，不過都好講緣份同埋Timing，我係一個唔可以俾自己靜落嚟嘅人，除咗閨密可能都會搵CP或者前輩同我合作玩吓！」

↓立即下載星島頭條App↓