放話「我最喜愛等於冇實力」花姐失言踩MIRROR捱轟

更新時間：03:00 2025-07-11 HKT
發佈時間：03:00 2025-07-11 HKT

近日有網民分享一段經理人花姐（黃慧君）在一個講座主講的片段，一手捧紅男團MIRROR的花姐在片中發表「『我最喜愛乜乜』即係你無實力」的言論，惹鏡粉（粉絲暱稱）洗版式炮轟她明踩自己公司藝人，直斥她「究竟要傷害自己artist到幾時？」
片中見花姐提到：「我成日都同我啲artist講，你唔好同我講你係偶像派啦，我唔想呀。我甚至同佢講我唔要再攞『我最喜愛乜乜』喇，好戇居，攞我最喜愛乜乜咪即係你冇實力，淨係靠人哋投票囉，我唔想係咁呀大佬！」
MIRROR奪「我最喜愛組合」獎多次，花姐此番言論除了觸動鏡粉神經，不少網民都有微言，有網民直指天后鄭秀文去年也奪「我最喜愛女歌手」獎，難道她無實力。還有網民指張學友、陳奕迅、王菲等都曾奪「我最喜愛歌手」獎，花姐所言即代表他們都無實力。網民紛紛留言揶揄花姐，「我未見過一個經理人係會同啲haters相同口吻，去踩自己啲Artist係無實力」、「花姐帶頭踩仔喎，呢位經理人真係世一」。

↓立即下載星島頭條App↓