裕美爆林作媽 與麥明詩割席
發佈時間：03:00 2025-07-11 HKT
裕美今日迎來37歲生日，今年她選擇在遊輪碼頭一間cafe舉辦別開生面的《裕美生日毛孩招親日（領養日）》，連續兩日為流浪貓狗尋找溫暖的家。談及近日麥明詩為兒子舉辦百日宴，林作媽王莉妮（Lily）竟意外缺席，疑似避免再捲入是非圈套，裕美暗示作母已跟「無緣份的新抱」麥明詩劃清界線，爆響口說：「Lily姐講過『件事好煩，亦都唔想再煩。』」
裕美日前專程到天水圍探訪獨立義工Debby夫婦，他們自費租用場地收容14隻流浪貓和7隻狗，裕美坦言：「每年都有人同我喺酒店搞大型生日派對，做人最緊要做啲有意義嘅嘢，所以今年決定以另類方式慶生。」她與Debby夫婦聯手打造宣傳領養平台，緣於偶然機會在網上幫3隻小流浪狗找到領養家庭，坦言這種快樂及滿足感千金難買，今次更親自設計T恤及布袋籌款：「仲會將林作兩萬蚊生日禮物budget捐晒出去救助浪浪，生日願望是所有毛孩都搵到幸福家庭！」
笑男友林作似隻狗
談到動物權益，裕美嬲爆繁殖場無視生命的行為，又呼籲大眾改變對唐狗唐貓的偏見。至於和林作的相處，她笑說：「林作真係似我屋企隻狗！成日搞事、要我餵飯、飲醉酒就亂講嘢。」但她認為這就是真愛：「佢成日瀨嘢要我贖返嚟，但我對佢都不離不棄。」這番言論竟連林作都認同。另外，裕美因公開抨擊林作前度麥明詩，風波持續發酵，早前她指控麥明詩「擺林作母親上枱」、「賊喊捉賊」，更質疑對方「為流量講大話」，雖然麥明詩至今未有回應，但近日她為兒子舉辦百日宴，林作媽卻意外缺席，疑似與這位「無緣份的新抱」劃清界線。對此裕美表示：「我唔清楚Lily姐點諗，佢有自己嘅朋友圈及生活，佢只係講過『件事好煩，亦都唔想再煩落去……』（係咪劃清界線好啲？）你問我，我就唔會再同前度嘅屋企人聯絡，尤其對方已經有另一半就更加唔會，雖然林作會話『唔介意』，但唔好當人死㗎啦！暗地裏係會有唔尊重成分。」又透露連林作都覺得奇怪：「佢話同麥明詩都分開7、8年，中間大家都換過幾個伴侶，點解仲要講？」
學歷高未必人品好
對於林作拍片力撐裕美人格，裕美爆出真相：「其實我係冇乜感覺嘅，只係有嗰句講嗰句嚟回應傳媒，唯一有少少忟憎，因為自己好忙，林作已經冇乜貢獻，佢屋企嘅嘢仲嚟煩到我！所以佢見我發忟憎就做啲嘢等我收聲。」她又坦言香港好多人只看學歷及背景，但高學歷不代表人品好，讀書未必讀到品格，「我點解鍾意小動物多過人，因為佢哋真係好單純，人比毛孩恐怖，亦係我唔生小朋友嘅原因，尤其我喺呢行咁耐，發覺好多人係會戴住假面具做人，所作所為超越我想像！」
