鍾雪瑩座右銘盡現衝勁：唔死乜都得

更新時間：03:00 2025-04-09 HKT
發佈時間：03:00 2025-04-09 HKT

　　明星言行向來受到大眾關注，若藝人形象正面、事業成功，他的說話隨時被大眾視為名言，甚至有人會以此為人生座右銘。《星級大搜查》今集搜查一眾明星藝人的人生座右銘。註冊臨床心理學家李堅翔博士指出，年輕人與年長人士設立人生座右銘的動機與差別。
早前宣布離巢TVB的李佳芯認為：「對自己誠實好緊要，尤其我本身做演員，要對自己好誠實先知自己性格係點，你先可以將自己放喺任何角色，而唔會有任何疑惑。」車婉婉的座右銘受家人影響：「唔好怕蝕底嘅意思係，你唔好成日覺得自己做多咗，或者覺得付出係有問題，長大後就發覺，原來做多啲我就學習到多啲，因為有得付出嘅人代表幸福。」
張新悅「和諧」待人
鄧麗欣則形容自己個性及做人態度一直受母親影響，深信萬事「船到橋頭自然直」，她表示：「由細到大我都唔係太執着，或者唔係諗得太多嘅人，都係一步一步咁行。」張新悅以「和諧」作為座右銘，笑言這句座右銘一直影響着她待人處事，「尤其是同老公（相處），一想鬧交就要『和諧』我老公。」而年僅30歲的金馬影后鍾雪瑩，她認為作為年輕人，對任何事都要抱有衝勁，她分享自己的人生座右銘是「唔死乜都得」。
註冊臨床心理學家李堅翔博士接受《星級大搜查》訪問時表示，年輕人的人生座右銘，普遍能看出他們對人生的衝勁：「通常呢種狀態就係，譬如遇到啲嘢好現實同理想唔符合時，會覺得忟同唔好。但亦都因為執着先有團火，可以畀人去衝刺。」至於中老年人的人生座右銘則可看出心境上的轉變，李說：「越老越見得多，好多座右銘都來自於一啲諺語、哲學，譬如鄧麗欣講『船到橋頭自然直』都係我哋好多年累積嘅民間智慧。其實都代表，一定要試過衝過，最後先可以搵到一個最舒適、最適合自己生活嘅方法。」
大家又欣賞哪位明星藝人的人生座右銘呢？記得下載《星島頭條》App留言給《星級大搜查》分享！

↓立即下載星島頭條App↓