霆鋒隔空打氣 軒公唱《活著VIVA》贈興
發佈時間：03:00 2025-03-10 HKT
4月底將在啟德主場館開騷的謝霆鋒，早前被樂隊The Flame及其粉絲在社交網集體召喚，邀請他前晚（8日）到灣仔海濱一起busking，雖然霆鋒最終沒出現，但仍與The Flame視像連線，非常有誠意。而最驚喜的是張敬軒（軒公）前晚現真身力撐，更代霆鋒唱《活著VIVA》，令全場high爆！
樂隊The Flame早前在街頭busing時，主音阿Kit叫買不到謝霆鋒啟德演唱會門票的粉絲、一起在社交網嘗試召喚霆鋒，事後被集體召喚的霆鋒也不禁開設帳號問「咁多人tag我搞咩？覆緊大家，畀啲時間。」而Kit之後更與大家集氣，邀霆鋒前晚一起busking。這晚演出最高峰時有過千人圍觀，期間阿Kit反問大家「有邊個冇聽過《活著Viva》、《玉蝴蝶》？」即惹來掌聲，Kit笑言當初嘗試留言給霆鋒、出發點很單純，沒想到會玩到這麽大，霆鋒都有留言讚他們已經贏了99.9%的人，「其實佢係唔需要理我哋呢班人，佢願意去做呢件事係十分感恩同多謝！」雖然霆鋒沒有現真身，但約晚上9點，霆鋒與Kit在iPad中連線，引現場過千人興奮起哄，霆鋒表示因有工作未能到場，但表達了對所有人的感謝，之後Kit在唱霆鋒演唱會主題曲《逆行》時，就將iPad傳給現場觀眾，而霆鋒也逐一向大家揮手打招呼，最後Kit感謝霆鋒的出現，而霆鋒亦開心表示：「多謝你哋！」
連線完霆鋒後，身穿皮褸、頭戴黑色cap帽的張敬軒突然現身人群中，全場即瘋狂大叫「軒公」。軒公搞笑自稱是熱心市民張先生，他大讚The Flame是這個城市很可愛的風景線，故很想來親身感受，又指事前不知道霆鋒會視訊，之後對着Kit說：「雖然自己冇玩過busking，但可以面對面、毫無包袱咁同大家唱歌，其實係一件好幸福嘅事，我好羨慕你！」又透露來的時候被幾個內地遊客叫幫忙影相，幸好影完後獲對方讚影得好，不然就要「7街瞓」，引全場爆笑。軒公又鬼馬自稱「灣仔謝霆鋒」，要幫大師兄謝霆鋒唱歌，最後與Kit合唱《活著VIVA》，全場high爆跟着一起唱，灣仔海濱頓時變成露天K房。
爆吳雨霏都想一齊玩
合唱完後，軒公繼續坐在地上看表演，但隨後又被邀請出場唱《餘震》，再次引全場拍爛手掌，整個busking約在晚上11點完結。軒公受訪時表示前晚8點左右到場，是第一次看busking，只因經常在網上看到The Flame：「我覺得快樂係可以好organic，大家一齊聽吓歌、唱吓歌係好開心。」問到是否都有興趣busking？軒公指今次只是想來感受：「成日都行過這個地方，但有音樂嘅陪伴係爭好遠，好感動，喊咗好多次！（呢首歌最觸動你？）係氣氛，就算啱啱聽洪嘉豪首《黑玻璃》都想喊。」又表示日後有機會，都會偷偷再到現場欣賞。至於獲得兩大男神力撐的The Flame就大歎驚喜，Kit更透露吳雨霏私下都傳過訊息表示想一起玩，有機會都會邀請對方。
