姚子羚疑暗撻「星二代」徐偉棟認有發展空間

更新時間：03:00 2025-02-26 HKT
發佈時間：03:00 2025-02-26 HKT

《東周刊》今期獨家爆44歲姚子羚（Elaine）暗撻徐少強與雪梨之子，42歲「星二代」徐偉棟，日前拍到兩人在將軍澳一間酒樓飲完茶拍拖返女方香閨。疑似「姐弟戀」曝光，兩人昨日均對《星島頭條》表示在了解中。
子羚於2018年跟有米圈外男友「的士邦」鄭子邦分手，之後被爆誤交「人夫」Raymond，她火速斬纜，一直單身至今。疑終於脫單，據知子羚和徐偉棟因合作TVB劇《狀王之王》而撻着。
昨日子羚以短訊回覆《星島頭條》：「嗰日有friend新居入伙我哋一班人去飲茶賀個朋友新居入伙。」她承認與徐偉棟是拍《狀王之王》而認識，問到是否拍拖，或是有發展空間？子羚表示：「咁佢係好男仔，大家俾啲空間我哋去了解一下。」
徐偉棟也回覆《星島頭條》：「首先多謝各位傳媒朋友關心，我同Elaine真係因為拍攝《狀王之王》而相識嘅，久唔久都會約埋佢同其他朋友一齊食飯，咁啱嗰日有朋友新屋入伙，我哋咪一班朋友出嚟飲茶之後去買啲生果一齊上去house warming，Elaine當然係一個好好嘅女仔嚟啦，大家畀啲空間我哋去了解下，多謝你呀！」

↓立即下載星島頭條App↓