連詩雅宣布懷孕：2024最大的禮物！

更新時間：03:00 2024-02-25 HKT
發佈時間：03:00 2024-02-25 HKT

　　去年結婚的連詩雅及陳家樂，在元宵節報喜。連詩雅當日在社交平台上宣布懷孕，她雖未有透露孕期，但就表示將會是「Summer BB」，並直言小生命是夫婦今年最大的禮物。

連詩雅（Shiga）和陳家樂拍拖2年，2人去年4月正式拉埋天窗，快將結婚一周年已不時被問到「造人」大計，昨日元宵佳節突然傳來喜訊，2人在社交網分享拿着胎兒超聲波的甜蜜合照，雙雙宣布快將升呢成為父母，相中Shiga肚凸凸已孕味十足，不過身型依然窈窕纖幼相當fit。
希望子女鍾意曼聯
眾所周知家樂是曼聯忠實球迷，Shiga在帖文中大爆，指老公稱無論生仔或女，都要培養BB鍾意曼聯，「一直都係處於平常心，同埋順其自然嘅態度，等待上天嘅安排，2024收到一份最好嘅禮物，好感動，感恩，期待Summer BB既(嘅)來臨，祝大家元宵節快樂#家庭又變大了#有點不可思議嘅感覺#仲有點緊張將會做父母#陳生話仔女都好都要培養佢鍾意曼聯」。不少圈中好友留言恭喜她，她的師兄周柏豪更表示：「你要嘅嘢，我已經執好晒」。
家樂同樣在社交網分享太太大肚照片和胎兒超聲波圖片，發文興奮宣布︰「等左(咗)幾個月終於可以同大家講啦！感謝天父！！畀機會我做爸爸！！！辛苦陳太呢幾個月又要開工又要小心就住就住！我以後會再努力啲工作！照顧你地！！」貴為曼聯忠粉的家樂更笑言：「#讀書叻唔叻唔緊要#最緊要陪爸爸睇波#最好真心鍾意曼聯。」
初次做媽咪，Shiga稍後透過經理人公司回應，「好開⼼終於可以同⼤家公布呢個喜訊，我哋⼀直抱住平常心等待上天嘅安排，嚟到2024居然收到呢份最⼤嘅禮物，知道⼀刻，好開心好興奮，同時好緊張，希望⼀切順利，寶寶今個暑假平安健康嚟到同我哋見面，最後今(昨)日元宵佳節，祝⼤家元宵節快樂，龍年心想事成開開心心。」