Edan上載有型MV照引粉絲

更新時間：03:00 2022-03-30 HKT
發佈時間：03:00 2022-03-30 HKT

(星島日報報道)人氣男團成員呂爵安（Edan）早前預告於4月1日推出新歌，令「爵屎」（粉絲暱稱）相當期待。前日Edan在社交網率先透露新歌曲風是一首跳唱歌，並貼出多張MV造型花絮照，相中見他與一大班型男齊齊以西裝打呔上陣，氣勢十足，並表示：「先嚟個小小劇透，咁樣應該估到我首歌係咩曲風啦啩！」他又叫「爵屎」猜猜是甚麼的唱跳風格及歌名：「而家再畀兩樣嘢大家估吓（1）係咩風格嘅跳唱？Sexy？有型？歡樂？（2）估吓個歌名/主題係乜？（Hints：係大家出街會用到嘅嘢）#跳唱confirmed #最緊張最囉囉攣的一次 #4月1號。」
隊友爭相估曲風
隊友Stanley（邱士縉）就貼了一個「升降機」的符號留言劇透，Edan即笑說:「唔好喺到誤導人啦！」，而Jeremy（李駿傑）表示：「見到都想唱個chorus（同E先生一樣的E字頭）。」至於Edan的「正印」小儀賣口乖留言：「Woohooo，一定係一首Sexy地有型嘅歡樂歌！又或者係有型地嘅歡樂Sexy歌！再或者係歡樂feel嘅Sexy有型歌！我估我估啱晒！（BTW，你係Sexy嘅！）」Edan 回覆表示：「全中。」