陳奕迅做Music Plus一哥

更新時間：11:57 2016-07-18 HKT
發佈時間：03:36 2000-08-23 HKT

　　（星島日報報道）英皇娛樂昨日舉行盛大午宴記者會，公布繼EEG唱片公司之後開辦全新LABEL的唱片部門「Music Plus」，並公布陳奕迅成為「Music Plus」旗下首位歌手。

　　除了出席的英皇歌手外，亦有多位Eason的圈中好友預先拍下錄影帶在現場播放，計有梅艷芳、彭羚、梁漢文及許志安等。最有趣的是張柏芝、陳曉東這對小情侶，當熒幕播出陳曉東的樣貌時，就夾了張柏芝的聲音，兩人對調了聲帶。而Eason的死黨霆鋒亦有錄影祝賀片段。霆鋒話：「我
好羨慕你入Music Plus做阿哥，我加盟EEG時就有傑哥、羅文哥、嘉良哥、家輝哥……」

　　陳奕迅昨日揀了一件紫色唐裝配襯牛仔褲及紫色太陽鏡出場，十足十是一哥款！

　　談到死黨霆鋒話羨慕他在新公司做一哥，Eason話：「佢講笑啫，我就唔覺得好特別，阿哥呢啲係一個稱號，都無意思，我作為歌手最緊要係做好音樂。」

　　談到熒幕播映一班老友祝賀片段，Eason話「好多謝朋友一番心思，特別是東東和柏芝玩對調聲音好有趣！」點解祝賀嘅人獨欠女友徐濠瑩？Eason反問記者：「點解要有呀？佢又唔係樂壇一分子！」你禁止佢咩？「唔係我搵人㗎，公司決定，如果我做主就無所謂啦。」

　　至於昨日英皇隆重其事搞盛大記者會歡迎Eason，問他有無做一哥感覺？Eason話：「無呀！而我揀紫色呢件唐裝亦係前一日經過中環順便買。」揀紫色係咪想紅到發紫？「紫色係今日嘅穿衣密碼，我張single唱片都係用紫色封面，新公司Lable亦係用紫色啫！」