■古天樂（右）和張智霖拿着二人95年主演電視劇《天地男兒》的相片，古仔當年的皮膚比較白。

古仔晒當年白淨劇照無尷尬

更新時間：04:02 2018-08-25 HKT
發佈時間：03:00 2018-08-25 HKT

　　（星島日報報道）古天樂（古仔）、張智霖（Chilam）、鄭嘉穎、鄧麗欣等前晚出席電影《L風暴》首映禮時，大會展示古仔跟Chilam合作演出95年電視劇《天地男兒》的相片，可見古仔當年的皮膚白。Chilam說：「咁老嘅，當年我哋個樣，好似昨日一樣。」古仔表現得不滿意，更謂擺明整蠱他們。
　　談到是否不滿展示舊劇照？古仔表示沒有尷尬，只是覺得一個（張智霖）生日，另一人（鄭嘉穎）結婚，並不關他事，但感覺上套劇不是好久的事，只是2、3年前。在旁的Chilam笑謂：「當我們還是童星的時候。」談到為新戲變白演出，古仔表示經已完成拍攝，現在皮膚已回復變黑，又指當年皮膚較白，因為當時科技不發達，有時間才可曬太陽，自己則較喜歡皮膚黑。
　　Chilam表示曾曬燈，但變得多雀斑。對於8月27日生日的Chilam，大賣口乖指包場請朋友睇該片，若全球票房有幾億會裸曬燈慶祝。古仔即謂：「幾驚佢話拎部曬燈機上台曬！但我就着衫去曬燈。」Chilam對於前女經理人梁雅詩私吞其酬勞而被判監兩年，他說：「不願置評。」
　　鄧麗欣表示男友王子會睇該片，大家拍拖時通常行街睇戲，但對方現時不在港，中秋節亦各有各忙，雖然分隔兩地，當有時間會爭取見面。她說：「不過忙起上來，可能1、2個月無見面，暫時OK啦！但下月開戲會開始好忙又周圍飛。」
　　由於鄭嘉穎和張智霖的生日相近，大會送上蜜糖和眼鏡。鄭嘉穎表示跟古仔首度合作，首日開工熱到大汗疊細汗，雖然好熱，但好順利，更被柏天男打親個鼻，更笑謂證實個鼻是真的。