娛樂｜《下流》打卡景點揭秘

東周刊

掌握時事脈搏　帶領生活潮流

2022-11-26 12:00 HKT

ST+ 專欄

內容

由林敏驄、江美儀、鮑起靜等，主演的無綫台慶劇《下流上車族》，因題材夠晒貼地，而深受大眾歡迎。早前，劇集大結局，跨平台直播收視最高26.7點，約有173萬觀眾收看，僅次於早前八號風球所創下的27.3點紀錄，是開播以來第二高收視，還再次擊敗《開心無敵獎門人》的26.1點收視，成為近期收視的奇葩。

早前，曾志偉同林敏驄輸賭鬥收視高，邊個輸咗就要裸跑，但「獎門人」竟然出口術玩食字：「我都算巴閉，我26.1，佢26.7，高我0.6，真係服輸，好樂意輸俾佢。我爭佢哋一餐飯，同埋我訂緊隻響『螺』，攞住隻螺同佢跑一次，再請佢食響螺。」

《下》劇已經大結局，觀眾難免感到有點失落，不如等東姑介紹幾個劇中的景點，俾大家去打吓卡，一解思念的情懷！劇中，鮑起靜住的公屋「海田邨」，其實是有五十五年歷史、位於香港仔的華富邨。因為華富邨有不少單位擁有無敵海景，所以既被指是「平民豪宅」，又被稱為「全香港最靚公屋」之一。另外，林敏驄返工的Good Good超市，則是一間位於土瓜灣馬坑涌道的連鎖超市。至於，丁子朗與郭柏姸返工的好安心地產舖，原本位於九龍城的沙浦道，但東姑最近發現該地產舖已人去樓空了。