KellyChu - 聯7 - Eleven與本地農莊食得環保 美心「轉廢為寶」咖啡渣種出苦瓜 | Executive日記
KellyChu
4小時前
字體大小
美心集團近年積極推動可持續發展，今次聯同7-Eleven及本地鴻日農莊再出新招，以創新思維將餐前廚餘再利用，用本地優質奶油南瓜同沖繩苦瓜，推出三款限定7-SELECT產品，包括南瓜湯、南瓜鹹蛋雞粒炒飯同涼瓜牛肉飯，價格由22元至33元不等，令大家可以食得環保、食得好。
美心集團夥拍鴻日農莊推行「WeGen farming再生農業」計劃，收集集團旗下食物工廠及餐廳等嘅餐前廚餘，例如果皮、豆渣、蛋殼同魚骨等，將之轉化為天然酵素，從而促進土壤微生物平衡，以零農藥、零化肥方式種植新鮮蔬菜。
近日美心更聯乘7-Eleven推出「啡We Green 咖啡渣再生企劃」，將7CAFÉ製作香濃咖啡後剩餘嘅咖啡渣納入再生系統，種出沖繩苦瓜及奶油南瓜，再研發出三款限定7-SELECT產品。產品現已全線發售，只要去7-Eleven便利店，就可以享用本地優質菜喇。
鴻日農莊主理人黃展明（明哥）指出，酵素技術嘅優勢在於肥力強，即使唔落農藥同化肥，仍然能夠維持高產量，具可持續性。明哥解釋，不同酵素有不同功效，例如咖啡渣酵素能減少跌花情況，提升開花結果嘅機率。以數字計算，三噸餐前廚餘可以轉化成一噸優質農作物，真正做到「轉廢為寶」。
美心供應鏈總監區晉禮表示，計劃可以降低碳排放同運輸污染，更能建立可持續嘅本地綠色產業鏈。Kelly覺得，WeGen展示本地企業嘅創意與責任感，證明每一啖美味都可以有意義，關注可持續飲食嘅消費者不妨一試。
KellyChu
美心集團「WeGen farming再生農業」。
