KellyChu - 《選擇》發布會亮相 稱擔當總幹事是使命 沈朝暉：研用AI改善消委會投訴系統 | Executive日記
KellyChu
2小時前
字體大小
消委會新總幹事沈朝暉上任約3個星期，昨天第一次主持《選擇》月刊發布會，同傳媒大眾見面。問及首場記者會感受，沈朝暉表示，自己過往喺機管局及職訓局工作都有面對傳媒，但較少公布涉及產品嘅化學物質及數字等資訊，形容呢份工作有挑戰性，希望新職務可以令她「記性會好啲」，回答得真有朝氣。
沈朝暉話，自己一路以來都好想成為精明消費者，所以一直有留意消委會嘅資訊，加上亦非常鍾意網上購物，故此唔會當總幹事只係一份工作，而係一份使命，將利用過往在公營機構工作嘅經驗，回饋社會。
佢亦介紹消委會未來內部改革方向，坦言面對資源緊縮，任內將開源節流及重整資源，但強調不會削減人手，希望喺資源許可嘅情況下，善用人工智能進行科技革新，包括改善網上投訴系統，長遠做到減省人手，提升工作效率及縮短處理消費者投訴時間，重申革新沿用多年嘅投訴系統，係當前優先工作事項。
佢話，現時港人消費模式改變，北上消費成為趨勢，消委會已與內地不同省份以及澳門嘅消費組織簽署共31份協議，目標係建立跨境消費投訴平台，加強保障港人權益。未來消委會將採用更多元貼地嘅宣傳策略，令市民更容易接收到《選擇》月刊資訊。
KellyChu
