KellyChu - 李家超親自監督海陸空精英齊出擊跨部門啟德碼頭反恐大演習今天直播 | Executive日記

Executive日記

KellyChu

6小時前

生活專欄

內容

為咗加強本港嘅反恐準備，保障市民嘅生命財產安全，以至整體社會，行政長官李家超早前喺8月18日舉行嘅「行政長官反恐督導組」首次會議上指示，各相關決策局和部門舉行跨部門大型反恐演習，以進一步提升特區政府嘅反恐準備及應變能力。據了解，呢個跨部門大型反恐演習將於8月28日（今天）下午2時30分喺啟德郵輪碼頭舉行，將會模擬有極端分子計劃乘搭郵輪到來進行恐怖襲擊，當其計劃被識破之後，便於碼頭內發動襲擊。

　　呢次演習，多個部門可謂海陸空精英盡出。除咗有警方與恐怖分子喺碼頭展開激烈槍戰嘅情節外，仲會有大量海上演習嘅情景，包括水警小艇隊追捕恐怖分子、客船乘客被挾持為人質，以及飛虎隊由政府飛行服務隊的直升機游繩登船嘅精彩畫面。

　　為咗增強演習嘅真實性，此次演習不僅有多個政府部門同公眾團體參與，政府還將啟動緊急事故監察及支援中心，以測試各部門在恐襲發生時嘅應變與協調能力。行政長官李家超亦會親自到場監督，顯示政府對反恐工作嘅高度重視。

　　除此之外，呢次演習亦會出動到多個首次亮相嘅裝備，包括消防處的大型救護車、遙控救生抬床和水底推進器，以及海關的手提式X光檢查器和手提式離子掃描器等。演習期間，附近海域更會同時出現多艘來自不同部門嘅船隻，負責協助維持海上交通秩序同戒備，令人期待！

　　據聞呢次演習更會破天荒進行現場直播，大家可以同步透過傳媒，欣賞演習當中緊張刺激嘅畫面。今日下午2時30分，各大傳媒頻道，包括電視台和網上媒體以及警隊嘅社交平台都會進行直播。大家千萬不要錯過，Kelly亦會校定鬧鐘，睇跨部門精英點樣擊退呢次恐怖襲擊，大家到時見呢！

KellyChu