KellyChu - 周三至周五自由入場 5大園區任玩任打卡 港鐵「Chill Fun鐵路樂園」 趣致列車駛入中環海濱 | Executive日記
KellyChu
2024-09-23 02:00
字體大小
港鐵慶祝45周年，周三起一連5日喺中環海濱活動空間舉辦大型嘉年華「Chill Fun鐵路樂園」，設有包括模擬駕駛室、大型充氣滑梯及巨型迷宮等項目，與眾同樂。星期六、日場次登記已火速爆滿，而星期三至五則免登記免費入場，更可享受飲品8折及贏得昂坪360門票機會，同Kelly一樣貪玩嘅你唔好錯過喇！
「Chill Fun鐵路樂園」嘉年華分為5大園區，當中最具特色嘅係「Pop-up駕駛室」，設有全港首個戶外車長訓練模擬駕駛室，等市民有機會一嘗駕駛列車樂趣，並首度展出多款港鐵維修車輛，機會難得。
8米高巨型充氣列車亦將注目登場，同時有多個鐵路為主題嘅機動遊樂設施、攤位遊戲及打卡景點，但留意需購買代幣參與個別遊樂設施及遊戲。入場市民亦有機會贏取限定鐵路主題紀念品，將滿滿回憶帶返屋企！
現場發售多款地道小食，包括印有列車設計嘅港式雞蛋仔，平日入場享用酒精飲品更特別可享約8折，啱晒收工後同三五知己舉杯暢飲，享受歡樂時光。而平日喺場內只需消費及購物滿$300，即有機會獲贈昂坪360門票一套，先到先得。
除咗一系列多元活動，嘉年華亦將舉辦「Chill精彩音樂會」，多位本地知名歌手包括張敬軒、吳浩康（Deep）、吳林峰、黃妍、Kiri T、樂隊Zpecial及女團VIVA會輪流現身獻唱。
KellyChu
市民星期三至五可免登記免費入場。
更多文章
