頭條戲場 - 《痛愛完成式》 睇到面紅自虐愛情片 | 頭條戲場
頭條戲場
2024-10-04 02:00
字體大小
一套戲的男女主角不和會否影響觀眾入場意欲？用數字答你，《痛愛完成式》製作成本只需2500萬美元，截稿日票房去到3.35億美元。男主角Justin Baldoni身兼導演，而女主角Blake Lively亦係監製，兩人拍到連朋友都冇得做，更懶得扮冇嘢，連一張為電影宣傳的合照都冇，講真幾好笑。電影屬陰功愛情片，同樣有童年陰影的兩男一女主角愛得死去活來，戲名都話咗畀你知，痛愛呀。戲外反目成仇，戲內難捨難離，當然要入場食吓花生啦。（上映中） 撰文︰廖思慧
電影改篇暢銷愛情小說，女主角Lily（Blake Lively飾）自細受父親家暴媽媽影響，童年非常唔快樂，嬲老竇格衰，更嬲阿媽太懦弱，大個女即刻搬走， 然後跟好靚仔的神經外科醫生Ryle（Justin Baldoni飾）一見鍾情，睇樣都知男方多女埋身亦唔會認真，難得佢亦承認只愛玩一夜情，但因為好愛好愛Lily，茶飯不思，連工都唔想返，咁鬼靚仔玩深情，仲要flirt女技巧可以用教科書級形容，特別是兩人天台初見面一幕，睇到全程嘴角向上，事後先知Blake Lively老公，即「死侍」Ryan Reynolds有份度，難怪導演再嬲多啲。
全片係咁錫錫
《痛愛完成式》屬典型美國愛情電影，劇情好簡單冇轉彎抹角，講述原生家庭創傷對子女成長有幾大影響，Lily想搵個脾氣好嘅另一半，偏偏鍾情脾氣突然暴躁的Ryle，仲有初戀男友Atlas（Brandon Sklenar飾）突然出現，3個主角都好靚，乜都唔做企喺度已好賞心悅目，談情說愛好甜，冇溝通有誤會好慘，3個人兜兜轉轉，好似中學生睇嘅愛情小說，又甜又滯但又睇到會心微笑。
頭條戲場
佢就係神經外科醫生Ryle，亦是本片導演Justin Baldoni。
Ryle同Lily拍拖場口好好睇，睇到心猿意馬。
Ryle胞妹開入伙P，Lily亦被邀請，飲多兩杯出事咯。
天台一幕，睇到面紅甜笑，我講我呀。
少女Lily同初戀男友，兩人都生於家暴家庭。
Lily戲服好靚亦好多樣化，做監製自肥都好正常嘅。
Ryle懷疑Lily偷食所以好嬲。
最Hit
80歲許冠武近況曝光！外貌與哥哥許冠文出現反差 曾戀《歡樂今宵》元祖藝人12年終分手
2024-12-14 09:00
超市收銀員疑當5毫找 港男收到圓形古董2角 網民：曾以$XX萬成交｜Juicy叮
2024-12-13 11:46
更多文章
