行山｜錦田大江埔至新田｜大羅天、羅天頂、龍潭山、牛潭山、小羅天、蛇頭石
2023年1月7日 (星期六) 17~22度 晴🌞
元朗雞公嶺是指由逢吉鄉至蕉徑之間山嶺，包括雞公山(海拔374米)，副峰大羅天(海拔572米)，主峰羅天頂(海拔585米)，龍潭山(海拔550米)。雞公嶺其實有10條以上路線可以前往😅新一年揀咗條十拿九穩嘅雞公嶺路線(已行過兩次)，但都行到腳抽筋，腰痛痛🤪😅死未...過咗年又老一歲體力又退減啲🤣🤣
今日會由大江埔做起步點，走過很多小山丘，會有多個緩衝位，可以回回氣，順道打下卡(呢個先係重點😜)🥰所以唔會行得太辛苦，到頂就係雞公嶺副峰大羅天(起步點至大羅天約2.8公里)；之後龍潭山下走是全程最難的，當中有600米光禿禿勁跣的越野單車路徑；上牛潭山好短路程只有340米，但路徑又直又跣，最後是最輕鬆的牛潭山下走至麒麟山坳，約1.3公里，尾段有驚喜，成個山頭都係蘆葦及芒草，賞心悅目。
路線：元朗錦田大江埔 ➡️ 七星徑/大面徑 ➡️ 大羅天 (海拔572米) ➡️ 羅天頂 (海拔585米) ➡️ 龍潭山 (海拔550米) ➡️ 過背徑 ➡️ 牛潭山 (海拔337米) ➡️ 小羅天 (海拔241米) ➡️ 蛇頭石 ➡️ 麒麟山坳 ➡️ 元朗新田 完 (9公里/慢行6小時50分連影相小休)
🚘錦上路站C出口，乘602小巴 ➡️ 大江埔總站落車 (約5分鐘車程)
👇9：05起步🚶♀️🚶♀️落車後小巴站旁邊路徑左轉入
👇好搞笑隻黑色狗由小巴站跟住我哋行，覺得佢應該係想問攞嘢食，可惜我哋無嘢可以俾佢食。
👇遠處的雞公嶺
👇7分鐘後走到路徑盡頭，右邊上山。
👇暫時路徑都好好走，景觀也很美🥰
👇遠處的大帽山
👇大概行了10分鐘留意分岔口，右邊走，路徑是下走的，會經過下托坑及桂角坑再爬升的。
👇沿途茂盛的蘆葦😅
👇呢度都有楓葉樹喎。
👇下托坑
👇往前走小小就是桂角坑，桂角坑前有很多垃圾及簡陋用品，似係有人住的🤔陰陰沉沉，行過都有啲驚驚🥶
👇過了桂角坑路線非常混亂(大概要走10分鐘)，初初都有絲帶，走走下沒有了，路徑又唔清晰，要靠行山apps引路😅💪
👇回望，原來是片楓葉林👍之後路徑清晰了
👇左邊有另一條不同路線可上山的
👇而家位置約海拔270米
👇今日個天真係好正，尤其係啲雲👍無得頂
👇萬萬長路😅😅😅
👇左邊路徑好直好跣，可以行右邊的兜上去
👇石英石
👇上到嚟睇返條路
👇11：05👉而家位置約海拔427米(已經行咗2個鐘，仲有半個鐘到頂💪)
👇之後路徑非常明確，只要直上就是了。
👇遠處是大刀屻
👇見到大羅天標高柱啦🥳
👇11：42到大羅天(海拔572米)，遠處尖尖的是羅天頂。
👇剛才鬼影都無隻，上到頂勁多人😅
👇由逢吉鄉過來的路徑
👇之前嚟過兩次，天氣都麻麻地，今次終於天朗氣清，連深圳一帶都見到👍
👇gogogo...去最高點 "羅天頂" 但條路好直好跣喎😅可以行左邊的，然後在中間缺口位兜上去😜
👇羅天頂(海拔585米)沒有標高柱的，打完卡就gogogo去下站龍潭山
👇剛才走過的山脈，旁邊箭咀路痕應該是越野單車軌跡(我估咋😜)
👇往龍潭山，路徑輕鬆易走，10分鐘路程
👇12：02到龍潭山(海拔550米)山頂沒有標高柱，左邊下走(過背徑)
👇路線非常明顯的
👇有啲位都跣，後半段更跣😅
👇嘩！有好多芒草喎🥰🥰
👇好靚成個山頭都係芒草
👇開始勁勁勁...跣囉🤣可以嘗試搵下左右兩邊其它路徑嘅，不過差無幾，我仲白痴帶咗支行山棍，行咗一半先醒起用😅🤪
👇好紮實嘅馬步🤣👍
👇用咗40分鐘完成條越野單車徑，到龍潭坳分岔口，跟住再往上走。
👇5分鐘到香港電台發射站，左邊走。
👇留意石屎路前路口，右轉入。
👇條路咁正嘅🥰🥰
👇咦！原來呃人嘅🤣都未舒服夠又要上山啦🥲呢條路又直又跣，要30分鐘先去到平緩位。
👇遠處是剛才龍潭山落山路徑
👇到平緩路，左邊往牛潭山的，先到右邊小休。
👇背後就是龍潭山下走的路徑
👇14：03到牛潭山(海拔337米)
👇下走往麒麟山坳，呢條路唔跣啦好好行，約1.3公里，尾段有大大片蘆葦及芒草林🥰🥰🥰
👇分岔路，右邊走。
👇朋友一路都好正經㗎，突然咁生鬼嘅🤣🤣
👇分岔路，走左邊的。
👇路徑旁的蛇頭石🐍
👇勁多蘆葦及芒草🥰🥰🥰
👇之後跟住絲帶路徑下走，10分鐘到麒麟山坳。
👇15：11到麒麟山坳，左邊沿石屎主路往新田乘車往錦上路/元朗離開(麒麟山坳往新田約2.4公里) 或 右邊行130米有小巴總站(605小巴往上水)
💓💓💓🙇♀️謝謝支持及點讚🙇♀️💓💓💓
更多行山路線分享：
行山｜清水灣道大坳門至布袋澳｜釣魚翁、釣魚翁郊遊徑、大赤沙頂、蝦山篤、田下山、鷹咀石、大廟灣天后廟
