【旅遊】韓國首爾｜跟團體驗入街市品嚐真正地道美食

眼睛去旅行

旅遊網誌作者|每一個旅程, 都總藏著不同的"秘密"

2022-05-25 06:30 HKT

生活專欄

內容

臨別秋波梗係要喺離開前食盡當地嘅地道美食啦，小編之前講過如果去韓國係跟團，好多時都會遇到自己人嘅導遊，今次亦都唔例外，話晒係自己人梗係知道香港人要啲咩，導遊堅仔就帶咗我地去真正當地人嘅街市，街市雖然細細地，但正正適合我哋回程前買啲地道食品返香港。

一入到街市，我哋見到幾檔海產店，即刻搜尋〝八爪魚〞嘅蹤影，好好彩搵到而且慶幸就算唔喺濟洲島都可以食到八爪魚剌身，之後就坐低食埋韓式年糕同米腸等等嘅地道小食。街市入面有好多形形式式嘅泡菜，大概有成30-40款比大家選擇，全部都係新鮮製作無防腐劑。除咗呢啲小型地道攤檔，亦有一間小型超市，好多團友都會買啲香港唔常見嘅韓國麵同粉絲，仲有pack箱服務添。到咗機場遇到個機械人，如果有唔識去嘅閘口、商店或地點，佢都可以作為引路者㗎，不過當然經常被小朋友圍住當玩具多啲啦。

#我愛韓國 #首爾 #地道小食 #八爪魚刺身 #平民街市 #機械人#韓式年糕 #泡菜 #米腸 #韓國麵#ILoveKorea #Seoul #AuthenticSnack #octopussashimi #commonmarket #robot #koreanricecake #kimchi #ricesausage #koreannoodles