《明星副易袋》EP. 2｜陳嘉桓 皮紋分析師
星島 New Media 記者
2022-01-14 12:11 HKT
字體大小
《明星副易袋》嚟到第二集，今集嘉賓係陳嘉桓（Rose），提起Rose一定諗起佢打功夫同高妹，但最近佢多咗個新稱呼，就係皮紋分析師。
Rose有一次機緣巧合下做了一個大腦皮紋分析報告，發現原來睇十隻手指頭就知道一個人嘅性格，甚至好細微嘅習慣都講得到，更於16年考獲專業皮紋分析師資格。前排佢仲上埋ViuTV嘅節目幫人分析皮紋。
各種皮紋
Rose更即席幫我分析指紋，原來我嘅右手拇指指紋係伸長斗紋，性格係對自己好有要求而且較為完美主義，但缺點係做事唔夠專注同較為緩慢。左手拇指指紋係雙箕紋，主性格人際關係好好，屬氣氛組，能帶動到氣氛，而且能同時兼顧不同嘅事情。
坦白講，都真係幾準確，其他手指都有分析，各手指代表着唔同嘅能才，我就不方便公開我嘅指紋喇。遲啲我打算帶老婆仔女揾Rose分析下，了解一下我嘅小朋友嘅優點缺點。
陳嘉桓、陳嘉桓契媽
