第一集《明星副易袋》出街喇｜有請 林秀怡！
星島 New Media 記者
2022-01-07 13:06 HKT
字體大小
明星副易袋｜TVB月薪7千難捱 林秀怡開餐廳疫情蝕錢唔炒員工
第一集《明星副易袋》嘅嘉賓就係林秀怡，幾年前我樂隊sp'ACE去TVB音樂節目《樂勢力》宣傳而認識到秀怡，當年佢都仲未成為老闆，只知道佢係一位好有活力同勤力嘅女藝人。事隔幾年嘅今日秀怡已經係餐廳、美容院老闆，可想而知佢幾勤力啦！
今次訪問先正式同佢詳談，發現秀怡係一個好真、好正面嘅人，鏡頭後都係一樣，而更發現佢係一個幾有想法嘅人，對於自己演藝路上嘅發展，佢話雖然唔算平坦，而最經常聽到TVB藝人面對嘅人工問題，秀怡都坦然話辛苦，但佢絶無半點負面想法，反而用盡方法創出更多財路發展，呢點係好難得的。
面對疫情反覆，秀怡話飲食業好難做，但佢堅持唔炒人，同員工同舟共濟，對前景依然抱着正面想法。今次嘅訪問喺秀怡身上學到如何經營一間餐廳之外，更學到如何喺逆境中保持正面思想！大家都繼續支持佢啦！
