KellyChu - 立法會宣誓綵排要求嚴 新丁江一take過 | Executive日記
KellyChu
2小時前
字體大小
立法會新一任議員元旦正式宣誓上任，秘書處昨為一眾候任議員安排宣誓綵排。但其中超過10位議員，因失誤要重讀；留任嘅選委界議員何君堯，亦因為「空手上陣」，點知背到一半唔小心甩轆忘詞，而要返回座位拎返「貓紙」，真係「老貓燒鬚」。至於首次擔任議員嘅旅遊界江旻憓（見圖），就相對順利，「一take pass」，順利過關。
立法會誓詞長約100字，雖然唔難背，但為咗萬無一失，大家通常都會攞住貓紙照讀。秘書處今次執得好正，就算發音唔準或者喺唔適當嘅地方停頓，都要即刻重讀。江旻憓雖然「一take pass」，順利過關，但因為佢比較細聲，加上身形較高䠷，秘書處都好貼心提佢大聲啲，同埋調高咪高峰位置，以免入唔到咪。
KellyChu
最Hit
更多文章
