KellyChu - 馬會夥姚基金沙田簽備忘錄 攜手推籃球及青年體育發展 | Executive日記
KellyChu
3小時前
字體大小
香港賽馬會同北京姚基金簽咗合作備忘錄，仲請到姚明親自去馬會沙田會所簽約。今次雙方強強聯手，目標係響應國家體育強國建設，攜手舉行交流活動同合作項目，推廣籃球運動同青年體育發展。
馬會行政總裁應家柏話，「籃球係香港最受歡迎嘅團體運動之一，希望今次合作建立積極人生嘅力量，促進青年身心健康和提升社會凝聚力。」姚明都話，姚基金致力「以體育人」，促進青少年健康發展，雙方理念一致。
其實馬會一直都落力支持體育發展，唔單止承諾未來3年，撥款30億元推動體育發展；之前亦捐咗7000萬元舉辦「賽馬會越戰越強籃球計劃」，又資助修頓場館大翻新。今次再加埋姚基金嘅力量，相信以後香港籃球會大有發展！
KellyChu
更多文章
