KellyChu - 急智妙用洗衣網袋貓逃生 住戶：有一刻同死神好接近 | Executive日記
KellyChu
8小時前
字體大小
大埔火災帶來嘅傷亡沉痛難言，唔少街坊視如家人嘅毛孩，亦被困家中。一位住戶就喺社交平台，分享自己帶住兩隻貓逃生嘅經歷。佢講到當時濃煙殺到埋身，「有一刻同死神好接近」，成個人頭暈腳軟，猶如「發咗場超級世紀噩夢」。好彩佢當機立斷，先用飛機籠安置其中一隻貓，而另一隻就用洗衣網袋住，然後一齊落樓，最終仲上載咗兩隻毛孩嘅相報平安。網民紛紛讚樓主機警，話洗衣網袋家中常備，估唔到不幸遇上意外，仲有逃生妙用。
愛協：92動物被救出
另外，愛護動物協會多日以嚟，喺廣福邨廣禮樓外設置認領區，消防員亦陸續救出小動物，令佢哋同主人團聚。
愛協表示，到昨日為止，受影響動物有243隻，其中92隻由火場救出。前線團隊仲喺現場做分流、治療同配對，連同其他義工，全力照顧每一條生命。
KellyChu
更多文章
