KellyChu - 米蘭品牌COVA新店登陸太古廣場 首推薄餅美食 帶來正宗意國風味 | Executive日記
KellyChu
6小時前
字體大小
來自意大利米蘭嘅著名餐飲品牌COVA，有逾200年歷史底蘊，自30年前進軍香港後，至今在港擁有多間蛋糕零售店、咖啡廳及餐廳。昨天位於金鐘太古廣場嘅全新COVA餐廳隆重開幕，餐廳不但一貫品牌高貴優雅氣息，餐單從前菜、主菜到甜點都令人垂涎三尺，為大家帶來一站式意國貴族體驗，品嘗當地美味經典，Kelly最驚喜係香港COVA喺全球分店中首創烘焙薄批！
COVA作為米蘭傳奇甜點品牌，各式甜點均精緻漂亮，難怪女士們未食先興奮，拎起相機食先。不過Kelly更欣賞大廚們融合香港味道創作嘅菜式，例如其中一道「香辣蒜香帶子意大利扁麵」惹味鮮香，用上扁長形嘅Linguine更掛汁，成功加入小妹至愛意麵之選。
據說這道香港原創菜式，傳回意大利COVA之後，大受歡迎，當地亦有供應，真係飲食文化交流嘅好例子。另一款原創Hong Kong Style甜點「迷你芒果忌廉撻」，COVA亦帶回意國餐桌上，同樣得到意大利人喜愛，實在令人聞之高興，當然要讚嘅係COVA用心鑽研菜式，更促進兩地文化交流和共融。
能夠品嘗到這份美味餐單，要介紹COVA Montenapoleone行政總廚Eduardo Gadda以及美心集團西菜部總廚陳偉傑，二人功不可沒。陳偉傑更去到意大利米蘭深造學習Pizza製作手藝，回港為大家奉上正宗意式滋味，亦係各地COVA中首推薄餅美食。Kelly試過由酸種包做嘅餅底，非常美味，一試難忘，相信又會大受歡迎。
KellyChu
COVA甜點，精美可口。
COVA Montenapoleone行政總廚Eduardo Gadda（左）及美心集團西菜部總廚陳偉傑（右）為賓客炮製甜品。
最Hit
