KellyChu - 迪士尼惡人萬聖節反轉「奇妙派對」海洋公園哈囉喂六大驚嚇等你開箱 | Executive日記

Executive日記

KellyChu

5小時前

生活專欄

內容

為迎接一年一度萬聖節狂歡，兩大主題樂園近日公布今年Halloween特備節目。迪士尼惡人角色將拉大隊大鬧「20周年奇妙派對」，把樂園反轉成為惡人主場，帶遊客進入充滿詭趣驚喜嘅「Disney Halloween Time」。海洋公園今年哈囉喂全園祭就大玩創新，推出六大驚嚇體驗，在園內重現昔日駭人命案，兼設計「頑魂」盲盒玩偶，滿足喜歡追求刺激嘅各位。

　　本月19日至11月2日期間到香港迪士尼樂園，可體驗「惡人反轉大街派對」精彩活動，黑魔后將聯同一眾同樣惡名遠播嘅惡人和手下，大搖大擺踩入美國小鎮大街，將20周年慶祝活動瞬間化為一場名留「惡」史嘅派對，與賓客狂歡！迪士尼惡人亦會跟迪士尼主角成雙成對遊走樂園各處，包括邪惡皇后與白雪公主，將與賓客近距離互動，絕對係同邪惡角色打卡嘅難得機會。而本周五至12月16日，香港居民更可專享「雙重暢玩」優惠，只需港幣879元，即可入園暢玩兩次！

　　夾公仔、抽盲盒近年成為年輕人樂趣，海洋公園今年哈囉喂全園祭便將驚嚇電影中嘅玩偶恐怖情節融入夜間體驗，推出六大驚嚇體驗。其中「怨靈盲盒」重現昔日與駭人命案相關嘅盲盒玩具，讓玩家直擊染血眼球、人體殘肢遍布嘅盲盒製作工房；「港詭奇案」則帶你走入神秘結界，重返香港駭人奇案嘅現場，抽絲剝繭揭開血腥真相。驚嚇體驗下周五起率先在銅鑼灣Fashion Walk登場，可即場購買「頑魂」盲盒，搶先感受哈囉喂全園祭嘅驚慄和驚喜！

KellyChu