梁家權 - 伯明翰真港味 | 好味大過天
梁家權
2025-07-18 02:00 HKT
字體大小
點了咖喱豬皮、豬大腸、魚腐、韓國腐皮，要米線加腩汁，折合港紙170元。剛抵伯明翰，同桌有人選四餸車仔麵時覺得「肉赤」，但在英國長居的朋友說「差唔多啦」。貴不貴從來是相對的，畢竟港英兩地生活指數和物價水平不一樣，拿來比較無疑自尋煩惱。本來，味道也不應該簡單化地拿香港地道出品衡量，事關食材有差異，而且個人口味也有惰性記憶和各自的舒適區，因此只能評點烹調得好不好。
遊英倫兩星期，在街上吃的盡是焗爐出來的東西，的確懷念複雜多變的港味。這天來到伯明翰「港味茶餐廳」，本來只打算飲杯港式奶茶，吃個公仔麵，沒料到有人要吃車仔麵，然後另有人要一個咖喱牛筋腩飯，於是變成香港上班族放午飯吃的正式午餐。
論地道街頭風味車仔麵，迄今個人以灣仔的「車仔麵之家」最愜意，但既來之，則安之，況且抱着「好又一餐，唔好又一餐」的隨緣心態，做人會開心啲！
車仔麵來了，看上去果然普通車仔麵一碗，而我被欽點試味。先飲麵湯，再夾一箸米線，然後每樣餸吃一件。咦，得喎！這個「得」，不只是味道好，食材處理乾淨企理，更是十足港味，我甚至覺得比香港不少車仔麵檔更有水準。咖喱牛筋腩飯也來了，咖喱汁有洋蔥、紅椒、綠椒和薯仔，先吃一口撈了咖喱汁的白飯，咖喱辛辣中有香味，再吃一件牛筋及一塊牛腩。嗯，咖喱汁風味相當好，牛筋和牛腩的部位和口感勝過所有香港大型連鎖快餐店的水平。
埋單時多口問句，才知道廚房內打點的是從香港海景假日酒店移居來的大廚，樓面是來自喜來登酒店。這樣的班底，認真做，冇得輸。
梁家權
