郭志仁 - 君悅海南雞飯 | 九宮格
郭志仁
2025-06-04 02:00 HKT
字體大小
公務員P先生日前邀請新相識的女生，前往君悅酒店Grand Café品嘗馳名海南雞飯。為了盡顯自己細心，P特意要了一客雞脾和一客雞胸，讓女生選擇。本以為贏得女生讚賞，卻未料埋單時，女生表示：「係幾好食，但一個set要$350，兩個加埋$700，加埋一，買到兩三隻新鮮雞啦。」一盆冷水澆在P先生身上。
壞男群組成員安慰P先生，同時也指出他的錯誤。
「個女仔幾好呀，慳家，追得過呀！」
「咪好囉，如果佢唔去茶餐廳，次次都要去酒店café，你仲唔開心呀！」
「你行錯咗第一步，Grand Café海南雞飯，千祈唔好專登去食。」
P先生：「即係咩意思？」商界成員解釋：「你平時食海南雞飯，$80到$100，當你慕名而去，專登俾$350食，自然覺得要4倍咁好食先抵，好易會落空。所以我成日叫朋友，唔好專登要試吓個海南雞飯有幾好食而去。相反，如果係商務午宴，或者約咗人，想要環境優雅舒適，你先會明白酒店餐廳嘅價值。」
「而如果你決定要去酒店Café，一個lunch預咗要幾百蚊，咁君悅嘅食物質素係有保證，同埋唔一定要食海南雞飯，我哋通常叫焗豬扒飯、鮑魚福建炒飯、或者花膠雲吞烏冬。」
時裝界成員：「我幾欣賞個女仔慳家，但小心過猶不及，如果次次另一半話想食好啲，佢都話貴不如自己煮，就會變咗《家有囍事》程大嫂！」
「如沒有人跟我講，寶貝好吃嗎？一桌好菜倒進胃裏如火化」魏浚笙—孤獨美食家
郭志仁
最Hit
大家樂$20歎焗豬扒飯優惠！申請非遺突發減價 1招可搶購 全線分店適用
2025-06-05 15:40 HKT
40歲前TVB小花男友求婚4年仍未結傳婚事「撻Q」 發文3字交代二人最新關係發展
2025-06-05 14:00 HKT
更多文章
