KellyChu - 小朋友捐玩具 半價入場 海洋公園晒孖寶「環境豐容物」賀兒童節 | Executive日記
KellyChu
2025-04-03 02:00 HKT
字體大小
明天除咗係今年嘅清明節，亦同時係一年一度兒童節。海洋公司為大熊貓龍鳳胎寶寶「家姐」、「細佬」準備咗特別活動，訪客於聽日至星期日入園，可近距離欣賞首度展出嘅孖寶至愛「玩具」，仲有限量版貼紙帶返屋企，並同時邀請各位小朋友參與「玩具收集大行動」，為有需要家庭帶來快樂。
海洋公園邀請大家同「家姐」、「細佬」一齊慶祝兒童節，除咗可以現場直擊孖寶瞓覺、玩樂和探索四周嘅超萌日常姿態，更可近距離欣賞首度展出嘅孖寶至愛「玩具」，即「環境豐容物」。當然唔少得喺期間限定嘅大熊貓主題布置以及道具前盡情打卡，仲有兒童節限量版「家姐」和「細佬」貼紙等大家帶返屋企！
與一對熊貓孖寶歡度牠們首個兒童節之餘，海洋公園亦希望鼓勵小朋友藉着兒童節傳播快樂，邀請大家參與「玩具收集大行動」，於明天至本月6日期間上午10時至下午5時30分，把全新或乾淨且狀況良好嘅二手玩具，帶到海洋公園正門收集點。捐贈玩具經檢查及進行消毒後，將送到「社區客廳」，為有需要家庭帶來快樂。
每位參與玩具捐贈活動嘅小朋友，將可獲得特別版「家姐」、「細佬」書籤，以及購買海洋公園標準入場小童門票嘅5折優惠券一張，於活動期間使用，以示感謝。
此外，明天至本月6日晚上7點，夢幻水都人工湖將上演「光影盛夜」，為兒童節慶祝活動留下完美回憶。
KellyChu
最Hit
遊泰注意｜泰國王太后逝世 服喪一年5件事不能做
15小時前
政府門診11月起設長者優先預約！推「家庭醫學門診優先群組試行計劃」 另有3類人同樣優先 即睇簡單3步登記
2025-10-25 15:20 HKT
前亞姐羅霖苦盡甘來 獨力照顧三子成就非凡 老二碩士畢業任職心理醫生 勸勉同路人為保障離婚要公告天下
2025-10-25 10:00 HKT
51歲男歌手獲邀參觀小米科技園 近10名保鑣等傍實入場超大陣仗 逾千人舉機拍攝萬人空巷
2025-10-25 11:00 HKT
更多文章
