郭志仁 - A先生秘密約會 | 九宮格
郭志仁
2025-02-28 02:00 HKT
字體大小
旅遊界A先生愛用英文簡寫，壞男群組成員經常一臉問號，例如他會將tonight簡化成TNT。有一次A在群組表示：「我想要TTL 3位飛。」成員：「TTL？新女團呀？」原來TTL是指total。最近，A發現，原來英文簡寫可以用來瞞天過海。
當A先生馬主朋友相約星期三賽馬日入場，他會在電話日曆簡單寫上「JC」，即賽馬會Jockey Club。最近每個星期三，日曆都填上「JC」。女朋友偶爾問起，「點解最近星期三都入場？」A總是輕描淡寫解釋：「係啦，最近識多咗馬主，成日都有馬出」女朋友信以為真。
其實，一個月4次「JC」約會，大部分都是暗指他與另一位女生的定期酒店約會。A剛認識女生Jessica Chan，縮寫又是「JC」，兩人打得火熱，利用相同簡寫方式，躲過女友懷疑。當然，為了讓謊言更真實，A每個月還是會最少出席一晚馬場活動。
直到某個星期三，女朋友跟同事閒談時，才無意中揭開了謊言。同事是資深馬迷，談到當晚有甚麼大賽，同事向女友解釋：「今晚冇賽事啊，一年有幾個星期三都係冇馬跑㗎。」
女朋友心中起疑，立即WhatsApp男友：「你今晚又入場呀？」A：「係呀。」女朋友沒有當場揭穿，而是靜待晚上7點再問：「阿爸問你啲馬主朋友有咩貼士喎？」A：「好呀，我都係啱啱到馬場，大家飲緊酒，一陣問吓。」
最後，女友傳給他「2024/2025年度馬季賽期表」，拋下一句：「講大話前做功課先。再見。Sorry，都係唔好再見。」
「分手要狠，講分手不需要等」吳雨霏——分手要狠
郭志仁
更多文章
