KellyChu - 公開表白「感恩沿路有你」李家超晒畫作放閃 回憶與太太甜蜜時光 | Executive日記
KellyChu
2025-02-15 02:00 HKT
字體大小
昨日係情人節，特首李家超就趁呢個日子公開放閃，表達對太太嘅愛意！佢喺社交平台上發文，並配上一幅畫作，回憶以前同太太一齊到湖邊漫步嘅甜蜜情景，感謝太太一直以來嘅扶持和包容，又話未來佢哋都會繼續攜手前行，並祝大家情人節快樂，願天下有情人終成眷屬。Kelly覺得，特首真係敢於承擔又浪漫！
特首話，記得以前有一次，佢同太太喺湖邊漫步，佢伸手扶太太走過不平嘅草地，呢個情景被拍攝下來，之後更畫成一幅畫。佢昨日將呢幅畫上載到社交平台，並對太太公開表白：「感恩沿路有你，未來我們繼續攜手前行！」帖文吸引好多網民畀Like，有人大讚：「超哥同太太真係甜蜜蜜」；立法會議員江玉歡亦留言：「祝情人節快樂」。
鄧炳強做老婆「安心依靠」
另外，保安局局長鄧炳強亦趁住情人節，同太太表達愛意。佢上載咗太太依靠喺佢肩膀嘅背影照，話「再忙再累，幾多難關，我永遠都會是妳安心的依靠」，更附標籤：「陪着妳一生到白頭」。真係Sweet爆！
KellyChu
李家超回憶以前同太太到湖邊漫步嘅情景。
最Hit
長者咭/樂悠咭點樣分？35+精選優惠 申請方法/文件/兩咭分別/申請教學一文睇清
2026-02-10 11:52 HKT
40樓業主難忍等𨋢時間長 聲稱繁忙時間「20分鐘」 寧願賤賣也要離開
2026-02-10 12:40 HKT
最平澳門直通巴路線? ！OK巴士增深圳來往珠海澳門路線 羅湖、福田經深中通道 1.5小時直達拱北口岸
2026-02-10 12:52 HKT
罐裝蛋卷正確打開方式！餅家教用1物輕鬆開蓋 網民錯重點：教咗點拎第一條先！
2026-02-10 13:37 HKT
更多文章
