KellyChu - 到訪澳門遭粉絲圍堵 「被嚇得在裏面哭」 「嬋寶」年幼練習片曝光 失敗重來不怕苦 | Executive日記
KellyChu
2024-09-03 02:00 HKT
字體大小
巴黎奧運跳水雙金得主全紅嬋人氣爆燈，憑藉水花消失術驚艷世人，同時17歲嘅佢擁有率真個性和童真，因此收穫大批粉絲，並得到「嬋寶」花名。網上近日流出全紅嬋喺小時候練習跳水嘅片段，只得幾歲嘅佢，喺泳池旁邊練習倒立跳水，未舉直雙腿，已經多次跌入水中，畫面令人心酸，網民感歎道，金牌來之不易。
流傳片段內容係小時候嘅全紅嬋，佢喺泳池旁邊練習倒立跳水。每次擺好雙手同雙腳準備倒立，但舉高雙腳一刻即失去平衡，跌入泳池，水花四濺。不過每次跌倒，佢都即刻爬返起身再試，只得幾歲嘅佢，已經不斷堅持嘗試，好堅強。
網民感歎成功背後並唔容易，作為跳水運動員，年級輕輕要克服跳台嘅高度，及不同難度嘅跳水動作，「有人說她瘋癲瘋癲，其實嬋寶看的比誰都還清醒，嬋寶加油。」
爆紅亦為全紅嬋帶嚟生活上嘅困擾，周日喺澳門訪問期間，全紅嬋趁空檔與隊友外出，即使戴上Cap帽及口罩，返到酒店卻遭大批粉絲瘋狂猛追。佢當時與兩位同伴一起跑向女廁，身後一批粉絲拎住電話追過去，於是被困女廁。
期間有女工作人員請粉絲有序排隊，表示全紅嬋同意和大家合影，坦言粉絲嘅行動已經嚇到全紅嬋，「她被嚇得在裏面哭」，最終全紅嬋喺保安護送下離開。
KellyChu
喺澳門訪問期間，全紅嬋遭大批粉絲猛追。
全紅嬋小時候練習跳水嘅片段曝光，失敗後仍不斷重試。
最Hit
樂悠咭2026優惠合集！19大長者必看折扣 惠康超市95折/KFC免費熱飲/自助餐$78起
2026-06-18 10:52 HKT
灣仔京東MALL開幕即排長龍！佘詩曼親臨撐場 3萬呎巨舖主打「土豪式」買電器 家電半價起+Apple手機全場9折
2026-06-18 12:54 HKT
更多文章
