頭條戲場 - Kevin Feige的MCU大計 | 頭條戲場
今年電影《雷霆特攻隊*》和《美國隊長4：勇敢新世界》票房各只有4億美金上下， Marvel Studios大佬Kevin Feige以大收的《超人》為例，他不認同「超級英雄疲倦」的說法，「《神奇4俠：英雄第一步》故事發生喺完全成形嘅世界，觀眾入場前唔使『做功課』。」至於MCU未來大計，2027年《復仇者聯盟6》後會為鐵甲奇俠、美國隊長重新選角。 撰文：華朗
最近Kevin Feige與幾名記者對談，傾到未來7年的MCU（漫威電影宇宙）計劃。他大讚DC Studios聯合CEO James Gunn執導的《超人》的講故仔手法，「你唔識卓越先生（Mr. Terrific）？冇問題，睇落去就會清楚。」上映中的《神奇4俠：英雄第一步》有啲似《超人》，開波就入正題，非起源故事，4俠身處平衡宇宙另一個地球。Feige︰「我哋唔想又有《永恆族》嘅情況，畀人問︰佢哋之前喺邊？點解唔出嚟幫手對付薩諾斯（Thanos）？」
濫拍劇集拖垮電影票房
由2008年《鐵甲奇俠》到2019年《復仇者聯盟4：終局之戰》，Marvel製作了50小時的電影內容，之後拍戲、拍劇，數字上升至102小時。而Disney+的超級英雄劇集，被指實驗性與過度擴張，降低了IP價值。《雷霆特攻隊*》的人物就是來自劇集，繼而出現「贏口碑 輸票房」的尷尬局面，Feige︰「有啲觀眾仍然認為，睇戲前要睇過套劇，先知戲中人係邊個。」另外，在2027年《復仇者聯盟6》後，Marvel會為Jake Schreier執導的《變種特攻》重新選角，聚焦在青少年角色被社會排斥的故事，「我唔會講『重啟』，呢個名好得人驚；應該係『重設』，係單一時間線。」而RDJ鐵甲奇俠、Chris Evans美國隊長等MCU元祖也會重新選角，又表示真人版蜘蛛俠Miles Morales的命運在Sony手中，不要過分期待；而Mahershala Ali仍會參演以現代為背景的《幽靈刺客》，Marvel亦會推出更多R級血腥、成人向作品。
頭條戲場
