頭條戲場 - 《超異能特攻》贏包裝 | 頭條戲場
頭條戲場
2025-06-11 02:00 HKT
字體大小
筆者的朋友，佢個幾歲小朋友唔食一碗碗飯，壽司就衝埋嚟食。包裝好重要，超級英雄電影仲有咩可以玩？韓製動作笑片《超異能特攻》就是示範作。
（上映日期︰6月19日） 撰文︰華朗
韓製超級英雄片，首先不要預期電腦特效是外國頂級。《超異能特攻》的台灣片名幾傳神，叫《異能5：死了一個超人以後》︰大橋講「神秘人」自殺死亡，5個互相唔識的平凡人分別從其身上移植心、肝、視網膜、肺、腎，繼承了部分超能力。卡士有活潑精靈的21歲李在仁，影帝劉亞仁與影后羅美蘭加持，好戲之人安宰弘、金熙元、吳正世收放自如，仲有GOT7的朴珍榮。
香港翻譯字幕出色
贏包裝，咁個餡又點？喜劇經過精密計算，此片整體清新，有追看性，每位演員都有所發揮，性格各有缺憾，群戲有衝突又熱血；紋身圖案的深淺代表力量剩多少，這些安排富現代感有心思。不得不說，劉亞仁好似MC（張天賦），安宰弘似Jer（柳應廷），當你覺得節奏拖沓時，佢又彈一句對白「全個世界都有XX」，醒一醒神，香港地道字幕出色不是第一次。
《超異能特攻》故事講到尾，老掉牙，就是合作／家人，攜手解決難題。李在仁是link up成班人的關鍵，恰如其分。她幾年前在懸疑邪教片《娑婆訶：六指人》與李政宰合作，備受關注，奪得百想藝術大賞「電影部門最佳新人女演員獎」。不過成班異能人曝晒光，麻煩自然多，睇個勢有下集。本片5月30日於韓國上映，劉亞仁吸毒案被判緩刑，沒有參與宣傳活動，未有影響銷情，累積入場人次將破120萬，是今年第5部有逾100萬觀眾入場的韓國電影，不簡單。再次證明《陽光姊妹淘》、《極速緋聞》的導演姜炯哲作品雖不多，卻是無寶不落。
頭條戲場
李在仁力大無窮，仲曉反物理黐牆。
你唔係睇梗《功夫夢：傳奇少年》。
一睇朴珍榮就知係奸角啦！
吳世正與李在仁演父女好溫馨。
電影中劉亞仁好似MC張天賦。
（左起）羅美蘭、李在仁與安宰弘，各有不同超能力。
最Hit
38歲前TVB「蘇民峰拍檔」離巢6年斷崖式衰老 撞樣徐榮頹踎街邊 轉戰新加坡曾當劇集男主角
2025-06-12 11:00 HKT
「百億富豪」同前港姐冠軍太太關係生變？三見老婆閨密自爆熱戀中 高呼「70歲有第二春」
2025-06-12 12:00 HKT
更多文章
