頭條戲場 - 《功夫夢：傳奇少年》神話 | 頭條戲場
經常看到「親身上陣」4字︰湯告魯斯在《職業特工隊》系列親身上陣，血肉之軀上天下海，動作特技令觀眾歎為觀止。最近成龍為動作喜劇電影《功夫夢：傳奇少年》（Karate Kid︰Legends）宣傳，佢話︰「有咗電腦、科技，演員能夠做唔可能嘅特技，少咗真實感；危險、限制嘅概念變得模糊，觀眾睇到麻木。我總係親自完成特技，呢個就係我。」在潛移默化下，神話，就係咁嚟。 （上映日期︰6月5日）撰文︰華朗
在2023年之初，網上瘋傳一張標題名為「湯告魯斯與替身」的合照，湯佬「好似」企中間，左右是替身，3人勁似樣，身形健壯，弊在人人信以為真，後來路透社記者查明真相，原來是網友貪得意用Midjourney生成圖片。71歲的成龍為《功夫夢：傳奇少年》宣傳，再次扮演系列前作韓先生，他接受《Haute Living》雜誌訪問時稱，《醉拳》、《警察故事》系列與《火拼時速》（Rush Hour）系列是其輝煌時期，而現今動作特技表演卻主要由電腦特效（CGI）主導，「以前拍動作片，我哋唯一可以揀，就係喺現場親自跳下去！就係咁簡單。」直到現在，「我總係親自完成特技，連續做咗64年，永遠唔會退休。我唔再需要為身體準備，呢啲叫肌肉記憶，所有嘢都喺心靈、靈魂中。」成龍與湯告魯斯，多次強調主演的動作片都是親自上陣；他們肯定有替身協拍，問題是使用替身到怎樣的程度？我們永遠不知道包裝紙下的真相。
對我來說，連續劇《眼鏡蛇道館》系列十分圓滿，想不到仍有電影續作，拍極都有，勁過神話。《功夫夢：傳奇少年》回到原版電影、80年代經典《龍威小子》世界觀中，是系列的第6齣電影；背景設定在《眼鏡蛇道館》第6季的3年後。主角王班（Ben Wang）現年25歲，生於上海，6歲時移民到美國，成龍與Ralph Macchio演該神童的導師，取景地點是美國東海岸，講述華人移民青年在當地受霸凌，接受空手道與功夫訓練自強的故事。
頭條戲場
