頭條戲場 - 《殺神John Wick之芭蕾殺姬》 家族榮耀 | 頭條戲場
頭條戲場
2025-05-23 02:00 HKT
字體大小
本電影為賣座動作片《殺神John Wick》系列的外傳，老牌演員Anjelica Huston領導的白俄殺手組織，與戲精Gabriel Byrne的古老犯罪家族撕殺角力，而主角，即係湯告魯斯緋聞女友安娜迪艾瑪絲（Ana de Armas）成為磨心，佢同「殺神」奇洛李維斯（Keanu Reeves）關係亦師亦友。
（上映日期︰6月5日）撰文︰華朗
安娜現年37歲，是古巴、西班牙混血兒，嶄露頭角始於電影《銀翼殺手2049》，之後在《金髮夢露》提名奧斯卡、金球獎「最佳女主角」而成為荷里活紅人。睇《殺神John Wick》系列，就係畀佢個犯罪世界吸引。這次外傳故事的時間點，設定在正傳第3集期間︰「高桌會」幹部Anjelica Huston經營芭蕾舞團，又是殺手家族「俄卡勞馬」首腦，舞團即是女賓部，安娜自細在此學習芭蕾舞，學砌槍做殺手；男賓部最傳奇就係出咗一名令人聞風喪膽的愛狗男，即係「殺手之神」奇洛李維斯。
擴展殺手世界觀
承接正傳故事，奇洛在殺手酒店「穹天屠」犯殺戒而被追殺，求助「俄卡勞馬」時，就係咁同安娜相遇。就好似鬥獸棋，Gabriel Byrne率領的古老家族，表面上與「俄卡勞馬」河水不犯井水，不過幾百年嚟雙方都想食埋對方，安娜就成為呢場家族榮耀之戰的關鍵，另外仲有兩個神秘角色Catalina Moreno、Norman Reedus，世界觀一路一路擴展，有排拍。奇洛有招牌式近距離射爆敵人個頭，啲血好似噴泉咁，近戰徒手搏鬥又成日唔夠打處下風；而安娜多次重申佢唔要做「女版殺神」，首先體力一定輸蝕，所以佢要靠頭腦智取，利用地理環境殲敵，細細粒唔易食，芭蕾舞步法也是她的殺手鐧。
頭條戲場
經典劇集《陰屍路》的Norman Reedus，好期待他的演出。
睇嚟今集武器種類會幾多，呢支係火槍。
Anjelica Huston身份多，是絕對權力「高桌會」的幹部，他們定下許多地下世界規則。
Ian McShane是殺手酒店「穹天屠」的管理者，世界各地「穹天屠」都要向「高桌會」匯報。
安娜與湯告魯斯的緋聞令她紅上加紅。
奇洛與安娜拍攝前接受特訓。
最Hit
羅家英第4度患癌已放棄治療 最新近照曝光身體一部位現變化 輕搭汪明荃肩膀留影
2025-06-19 15:00 HKT
黃夏蕙經勸阻承諾退還過渡屋 《東周刊》爆靠長生津生活 子女怒揭窮到燶內情丨獨家
2025-06-20 07:00 HKT
更多文章
