名音樂人王雙駿靚帽珍藏全公開！有頂全球獨有 為陳奕迅火燒帽最有味道丨星級品味

男士在時尚界的服飾近年不斷演變，已經不再局限在衣服設計上，很多時會借助飾物、帽子等等配飾，突出男士們的個人風格，假如戴有一頂合風格的帽，輕易成為眾人的目光！人稱「Carl叔叔」的著名音樂人王雙駿，近年以「招牌」戴帽造型示人，在下月在會展舉行的音樂會，更加出動了多年來的收藏，有廿年「帽齡」的王雙駿，原來揀帽有自己一套！

相關閱讀：21位名人雪地用品逐件數！黎姿名牌褸件件過萬 TVB女星追捧親民價滑雪服丨星級品味

王雙駿靚帽珍藏全公開？

在王雙駿首個音樂會上，宣傳海報以「Hats On」為題，今次出動的五頂帽，不單每一頂都有不同的故事，而且亦充份表現王雙駿對帽子的偏好，日前王雙駿接受《星島頭條》的訪問，已經有廿年「帽齡」的他，分享了對這方面的心得，他説：「我覺得唔同剪裁、唔同設計、唔同物料嘅帽，各有形態，每頂帽都有佢自己嘅個性。」講到家中的收藏，王雙駿笑說：「我冇刻意去數，通常都係去到邊買到邊，有時上網買，我要戴啲條邊比較闊嘅帽，因為個頭比較大，有時戴帽係因為懶，可以唔使整頭，所以功能性同美觀都並存。當然演出前都通常都係睇吓套衫係點，嗰個音樂會嘅tone，盡量搵頂啱嘅帽，不過都係貪靚為主。」

王雙駿最愛「tree of life」 tattoo hat

今次王雙駿只展示了自己小部份收藏，不過當中最愛的一頂，一定是由好友岱羚為他親自打造的「tree of life」 tattoo hat，他說：「佢係香港人，用咗幾年時間喺英國學造帽，而家係做帽嘅artist，頂帽上面有啲圖案，有燕子同好多植物，係佢親手製畫，唔係print，一筆咁畫，燕子對我嚟講係我嘅屋企，我身上有一個紋身係有4隻燕子，二大二細，代表我哋一家人，我冇專登同佢講，可能係一個感應，我一直唔知佢做完出嚟係啲，直到頂帽寄咗返嚟，睇完都唔識俾反應。」

相關閱讀：袁詠儀2千萬Hermès珍藏逐個睇！炒價近百萬經典款到偏門款式包羅萬有丨星級品味

王雙駿還說：「佢同我番個makeing of，係專登訂啲筆返嚟畫，點知畫畫吓又唔夠墨，又要訂過啲筆返嚟畫，成件事真係好癲，呢個朋友好貼心又好細心，頂帽係全世界得我有，連呢個盒係個個有，專登搵廠去訂，佢話仲可以擺幾頂入去，嚟緊佢仲會做幾頂畀我，期待緊佢下一頂整乜，我信晒佢。」

王雙駿收藏Jer戴過靚帽

接着王雙駿再逐一介紹其他收藏，第二頂是米白色帽的則扣了一個寫有「J」字章，這頂帽正是Jer（柳應廷）做第一個音樂會經戴過，當時頂帽沒有帶和章，當時在演唱會擔任服裝的朋友。專登為這個騷設計了這章：「有啲扣咗喺件衫，我咪扣咗喺頂帽。」另一頂有墨西哥風格的帽亦大宥有來頭，王雙駿說：「嗰陣我喺New York見到，叫『THE LOSE CITY』，見到個名已經覺得好正，不過嗰陣冇我size，我返到香港專登訂返嚟，我同Jeremy（李駿傑）做第一個音樂會戴過，睇佢同Jer由零開始，偏心就一定會有。頂帽買咗好耐，一路唔捨得戴，但係一路搵唔到合適嘅場合，終於可以搵到出路。」

攝影：羅安強場地：電笠
髮型：@salonstone
化妝：@kriswong.520
Stylist: @eeeeeyli
服裝：@rickowensonline @ithk @ampjapan @believeinmiracle1977
@craftman.hk @give_me_a_wing @_solo_hk

梁朝偉劉德華撞鞋？

王雙駿有頂珍藏被火燒？

另一頂黑色的帽亦很有特色，帽邊似被人用火燒過，王雙駿笑說：「係造出嚟，布係古董布，同Juno（麥浚龍）喺2019年咤叱吒拎大碟獎嗰陣戴，有佢嘅獨特意義，好啱我，就係爛同舊，我好鍾意啲嘢有個歷史。」而另一頂款式相的白色帽，真的被火燒過：「係用人手整出嚟，同Eason影《LOVE》影封面戴過，意義好大，好多畫面，嗰幾年tour嘅畫面。」他續說：「我同duo band合作冇諗過係咁，好多係新相識，冇諗過大家可以夾得咁淒涼，所以咪做一隻碟去紀念件事，想話畀人知，尤其係行內，好多嘢係好視乎係點做件事，大家都係做緊嗰啲嘢，唔係出糧嗰刻開心，做tour都可以開心，同大家返工一樣，返工開唔開心，係視乎大家有冇通力合作，有時得你付出，老闆冇付出， 都係冇用。我自己好好彩，所有人都係好融洽，基本上係一個旅行團，咁啱做咗表演，其實我哋係去遊山玩水。就算我做緊其他tour，都會將呢樣嘢去保持。而家有心態好似係一個傳承，唔想淨係用技術做嘢，如果心態好，成件事係會唔同。」

今次音樂會找來謝霆鋒、麥浚龍、柳應廷、李駿傑、吳林峰及& The Duo Band等組成最強陣容參與演出，坊間都很期待，尤其是謝霆鋒的出現，更加成為焦點，王雙駿說：「其實我嘅人生係好幸福，我一路入行開始，遇到好多好好嘅人，佢哋影響咗我好多嘢，又可以喺佢哋身上學到嘢，正所謂出外靠朋友，呢一鋪直頭係靠好多朋友。今次係一個好時機，係一個機會去審視返自己做過嘅嘢，我一路以嚟覺得好似推出咗一首歌，就係一世嘅事，永遠存在喺呢個世界上面，如果當你做嗰樣嘢係違背良心，知道係渣流灘，一世都係咁，你嘅子孫聽番就會聽到唔盡力，所以我每一次都不容有失，要對得住自己。」他還說：「我自己都好期待，今次係新知舊雨走埋一齊，主角唔係我，係同主角關係嘅化學作用，呢排聽番晒好多以前做落嘅嘢，好彩原來都唔失禮，有啲仲可以感動返自己，係一個幾好嘅溫故知新。」

其他文章：

章小蕙30年珍藏名牌包包逐個睇！着過季舊衫直播：好東西沒有期限的丨星級品味

TVB頒獎禮女星衣着首飾品牌逐件睇！佘詩曼鑽飾近70卡 高海寧撐國產設計夠高雅丨星級品味

梁朝偉最愛潮物逐件睇！潮著「溶解鞋」與劉德華撞款 平民價CP值高丨星級品味

------------------------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ