假鈔黨再現旺角｜開業兩年從未收假大牛 藥坊店員：摸上手就知唔對路
更新時間：18:29 2025-01-14 HKT
發佈時間：18:29 2025-01-14 HKT
發佈時間：18:29 2025-01-14 HKT
字體大小
旺角今（14日）晨再現假鈔黨，一名身穿黑色衫的男子在奶路臣街一間藥坊以500元假鈔買沙嗲魚串，機警店員摸上手察覺有異，毫不留情即場爆粗「踢爆」，甚至叫中年漢「搵食行遠啲」。《星島頭條》下午到涉事藥坊了解，店員證實事件，又指黑衣男多次幫襯他們購買沙嗲魚串，每次都付「細紙」，「之前未試過畀假銀紙，今次係第一次畀假紙」。
藥坊店員陳先生表示，涉事黑衣男年約30至40歲，本地人，曾到藥坊購物大約4至5次，每一次都是購買每包約值10元沙嗲魚串，「每次經過都拎兩包，可能佢鍾意食掛…之前未試過畀假銀紙，今次係第一次畀假銀紙」。
相關新聞：旺角假鈔黨再現 藥坊店員醒目識破：係咪玩嘢？ 假鈔男：你唔收畀番我
陳先生指藥坊已開業兩年，未收過假鈔，但黑衣男支付500元鈔票，製作粗糙，一看就知是一張彩色影印的假鈔，「紙質唔係好差，有一面好似嘅，但有水印嗰邊就唔似，摸上手就知唔對路，唔洗照機，向天照一照，一反轉就知假」。
被問到為何沒有即時報警，他指發現黑衣男用假鈔，已即時質問對方為何用假鈔，「有諗過報警，但係我一驅趕，佢就即刻走，嗰時間舖又得兩個人，所以無囉」。
最Hit
網傳瀋陽爆隨機斬殺案致多人亡 無頭軀體倒街頭
11小時前
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
